एनएमडीसी छत्तीसगढ़ के विकास बर प्रतिबद्ध हे
हैदराबाद, 29 मई, 2020। एनएमडीसी के ये मानना हवय के कोनो भी संगठन बने सहिन व्यवसाय करत अपन बढ़ोतरी तभे कर सकत हे जब वो संगठन ल अपन बीच के समाज के कल्याण के घलव चिता रइही। एकरे सेती एनएमडीसी अपन परियोजना क्षेत्र म निवास करत जनता मन के बेहतरी बर साक्षरता, गरीबी उन्मूमलन अऊ चिकित्सा सेवा के सुग्धर सुविधा देवत हे अउ तीर-तखार के गांव मन म बुनियादी सुविधा मन के विकास करत हे।
एनएमडीसी सरलग पाछू 3 बछर ले अपन सीएसआर निधि कुल रूपिया 537 करोड़ म ले 80% ले जादा व्यय छत्तीसगढ़ राज्य म करत हे जऊन रूपिया 465 करोड़ हे। छत्तीसगढ़ राज्य के विकास बर एनएमडीसी ह जउन जुम्मेदारी अभी हाल म लेहे हे तेला देखत ये कहे जा सकत हे के साल 2020-21 अऊ ओखर बाद छत्तीसगढ़ म विकास बर प्रस्तावित कई काम मन म एनएमडीसी छतीसगढ राज्य सरकार ल सहयोग करत हे। ए परियोजना मन ले राज्य सरकार ल सहयोग करे के अलावा एनएमडीसी ह राज्य म कई ठन सीएसआर गतिविधि के स्वयं कार्यान्वयन करत हे।
- एनएमडीसी के छत्तीसगढ़ बर फ्लैगशिप सीएसआर पहल:
- एनएमडीसी शिक्षा सहायता योजना (बस्तर संभाग के अनुसूचित जाति / अनुसूचित जनजाति के छात्र मन बर छात्रवृत्ति योजना) – सालाना 18,000 तक के छात्रवृत्ति।
- एनएमडीसी बालिका शिक्षा योजना (अपोलो संस्थान मन म नर्सिंग पाठ्यक्रम बर बस्तर संभाग के आदिवासी लड़की मन बर) – हर साल 40 आदिवासी लड़की।
- दंतेवाड़ा म एजुकेशन सिटी के स्थापना – राज्य प्राधिकरण के संग साझेदारी म बनाए गए शैक्षणिक सुविधा मन के एक केंद्र, जेमां 650 करोड़ रूपिया के निवेश करे गए हे।
- एनएमडीसी ह शिक्षा बर 88 करोड़ रूपिया के वार्षिक योगदान के संगेच एजुकेशन सिटी के अधिकांश संस्थान मन के परिचालन लागत ल वहन करत हे।
- एनएमडीसी ह क्षेत्र के आदिवासी समुदाय मन बर तकनीकी शिक्षा सुलभ करे खातिर दंतेवाड़ा के एजुकेशन सिटी परिसर के भीतर एक पॉलिटेक्निक कॉलेज के स्थापना करे हे। एकरे संग एनएमडीसी पॉलिटेक्निक के घलोक संचालन करत हे।
- एनएमडीसी ह दंतेवाड़ा के भांसी म छत्तीसगढ़ के नंबर एक संस्थान आईटीआई के स्थापना करे हे जेकर संचालन तको करत हे।
- एनएमडीसी ह दंतेवाड़ा के बचेली अऊ किरंदुल म अपन अस्पताल मन म स्थानीय आदिवासी मन के मुफ्त इलाज करथे जकेर आंकड़ा करीबन एक लाख मरीज के मुताबिक सालाना दस हजार मरीज हवय।
कोविड-19 वायरस के विरूद्ध संघर्ष के एक हिस्सा के रूप म एनएमडीसी ह पीएम केयर्स फंड म रूपिया 150 करोड़ के योगदान करे हे। पीएम केयर्स फंड म ये योगदान छत्तींसगढ़ म विकास काम मन बर निरधारित निधि मन के अकतहा हे। ये संबंध म टिप्पणी करत श्री एन. बैजेन्द्री कुमार, आईएएस, सीएमडीसी, एनएमडीसी ह कहिन के “एनएमडीसी ह छत्तीकगढ़ राज्य के विकास म हमेसा सक्रिय भूमिका निभाए हे। एनएमडीसी के अधिकांश प्रमुख सीएएसआर गतिविधि मन छत्तीसगढ़ के बस्तर प्रभाग म कार्यान्वित करे जाथे। एनएमडीसी के छत्तीसगढ़ सरकार के संग घनिष्ठ संबंध हे अऊ वो अवइया बछर म जनता के सर्वोत्तम हित बर काम करे बर प्रतिबद्ध हे।“
