हैदराबाद, 13 मई, 2020। NMDC ह 9 मई 2020 के लौह अयस्क के कीमत म रु. 400/ – के कमी करे हे अऊ DRCLO के कीमत म घलोक रु .70/- प्रति टन के कमी करे हे। जानबा हे के एखर से पहिली घलोक 04.04.2020 के NMDC ह लौह अयस्क के कीमत म 500 रूपिया प्रति टन अऊ DRCLO के कीमत म 5.80 रूपिया प्रति टन के कमी करे हे। अइसनहे, एक महीना के भीतर MDC ह लौह अयस्क ल प्रति टन 100/- प्रति टन अऊ DRCLO के रु .100 /- प्रति टन कम कर देहे हे। आप मन जानतेच होहू के DRCLO के मुख्य ग्राहक छत्तीसगढ़ म अड़बड़ हें।
अयस्क के कीमत म ये कमी स्टील कंपनी, खासकर छत्तीसगढ़ के स्पंज आयरन आधारित स्टील कंपनी मन ल बहुत राहत देही। NMDC ह स्टील अऊ लौह अयस्क के अभी हाल के बाजार उपर विचार करत कीमत मन ल युक्तिसंगत बनाए बर ये निर्णय लीस।
NMDC के सीएमडी श्री बैजेंद्र कुमार के बताती NMDC ह कीमत मन म कटौती करके स्टील कंपनी मन ल बनेच राहत देहे हे अऊ उमन ल ये कठिन समय म NMDC के ये कदम के सराहना करे हें।