राष्ट्रीय साधन सह प्रावीण्य परीक्षा म पोटिया स्कूल ले 17 लइका मन के होइस चयन

दुर्ग, धमधा विकासखंड म पोटिया स्कूल के 17 लइका मन के एनएमएमएस परीक्षा (राष्ट्रीय साधन सह प्रावीण्य परीक्षा ) म चयन होए हे। एकर से उमन न अपन विद्यालय संग अपन गांव के नाम रोशन करे हें। पोटिया स्कूल के शिक्षक पवन कुमार सिंह के शिक्षा पा के कु.मंजुषा डोंगरे अउ सुश्री रुक्मणी सोरी ह पढ़ईया लईका मन ल कोरोना काल म मोहल्ला कक्षा अऊ विद्यालय खुले के बाद अकतहा कक्षा ले के एनएमएमएस परीक्षा के तैयारी करवाईन। लइका मन ल पाछू बछर के प्रश्नपत्र देके अभ्यास करवाए गीस ,संगेच टॉपिक वाइस मिनी थियेटर अऊ स्मार्ट क्लास के माध्यम ले कक्षा लेहे गीस।
ये सफलता बर पूर्व माध्यमिक शाला प्रबंधन समिति के अध्यक्ष जीतेन्द्र देशमुख, प्राथमिक शाला प्रबंधन विकास समिति के अध्यक्ष भानुप्रताप साहू अऊ माध्यमिक प्रधान पाठक श्रीमती दीपा आर्य, प्राथमिक प्रधान पाठक श्रीमती सरिता नेताम, शिक्षक चंद्रकात साहू, शिक्षक प्रमोद साहू ह लइका मन ल शुभकामना दीन।
चुने गए छात्र-छात्रा मन म सोनिया विश्वकर्मा, गुंजन देशमुख, टिकेश्वरी साहू, टोमन देशमुख, ख़ुशी मानिकपुरी, पिलेश्वरी साहू, गीतांजलि देशमुख, मंजू यादव, दीपांशु साहू, शैल कुमारी, विभा साहू, रागनी पटेल, हेमिन यादव, कल्याणी, यामिनी, भावेश देशमुख, चाँदनीं देशमुख सामिल हे।