दुर्ग, 26 मार्च 2020। न्यूज बेबसाईट के मानव त बुधवार के एके दिन म 5 नवा मरीज अउ पाए ले छत्तीसगढ़ म कोरोना पॉजिटिव पीड़ित मन के संख्या 6 हो गए हे। जऊन तीन नवा पेशेंट मिले हे ओ मुताबिक रायपुर ले 1, बिलासपुर 1, अऊ 1 दुर्ग ले हे। मने 6 म ले कुल मिलाके रायपुर म कुल 3, राजनांदगांव म 1, दुर्ग-भिलाई म 1 अऊ बिलासपुर म 1 मामला आगू आए हे।
एती गंभीर सिंह ठाकुर, सीएचएमओ, दुर्ग के कहना हे के भिलाई म एक युवक ल कोरोना के संदिग्ध मानत बुधवार देर रात एम्स म भर्ती करे गए हे। उहें ओखर परिवार के मनखे मन ल एसआर अस्पताल म आईसोलेट करे गए हे। फिलहाल युवक ल कोरोना के पॉजीटिव नइ कहे जा सकय संझा तक रिपोट आही तभे सही बात के पता चलही।
सीएचएमओ के बयान के बाद लागत हे के अभी सरकार ल जांच के रिपोर्ट आए के बादे पूरा पता चलही ते पाए के सरकार ये बारे म कोनो समाचार जारी नइ करे ये। एती इही बात ल लेके एएनआई के छत्तीसगढ़ प्रभारी ह तको ट्विटर म पोस्ट करें हें-
फेक न्यूज़ के स्क्रीनशॉट में स्टाम्प लगाके बताने का समय है। आप कहें तो जिन जिन पत्रकारों ने स्वास्थ विभाग के अधिकारियों को कंटीन्यू फ़ोन किया है मेसेज किया है, उनका स्क्रीनशॉट्स पोस्ट करता हूं। बिना मीडिया बुलेटिन के जहां भी कोरोना की खबर छपी है तो क्या उसे फेक माना जाए? (2/2) pic.twitter.com/t1DOBeIAdy
— Tanmay @ANI (@SakalleyTanmay) March 26, 2020
