महासमुंद : नोहर चक्रधारी हर्बल केंद्र सुरू कर बनिस आत्मनिर्भर

महासमुंद, 11 जुलाई 2023
मुख्यमंत्री रोजगार सृजन कार्यक्रम ले न केवल रोजगार के माध्यम खुले हे, बल्कि युवा पीढ़ी ल व्यवसाय सुरू करे ब बल मिलत हे। अपन जुनून अउ इच्छानुसार व्यवसाय करत हुए सामाजिक अउ आर्थिक गतिविधि ल बढ़ात हे। योजना के तहत अनुदानित दर म सरकार कती ले ऋण उपलब्ध कराए जाथ हे। जिला के बागबाहरा विकासखण्ड के खेमड़ा गांव के निवासी नोहर चक्रधारी ह 12वीं के पढ़ई करे के बाद डेयबाय हर्बल मार्केटिंग सीखिस। उकर मन म ए इच्छा रहिस कि ओकर अपन स्वयं के हर्बल जड़ी बूटी के दुकान हो, फेर ओ ह अतका सक्षम नई रहीस हे कि दुकान खोल सकय। ओ ह बताइस कि एक दिन बैंक गए रहिस अउ अबड़ परसान रहिस हे। तभे पंजाब नेशनल बैंक के मैनेजर ह बताइस कि छत्तीसगढ़ ग्रामोद्योग विभाग महासमुंद के माध्यम ले मुख्यमंत्री रोजगार सृजन कार्यक्रम के तहत 35 प्रतिशत अनुदान राशि के संग ऋण प्रदाय करे जाथे। त मैं ह विभाग के अधिकारी करा सम्पर्क कर अपन ऋण प्रकरण फार्म नियमानुसार भर के विभाग म जमा कर दिएव। विभाग कती ले मोर मेरा आवेदन पंजाब नेशनल बैंक ल प्रेषित कर दिए गईस। शाखा प्रबंधक कती ले जांच के बाद मोला दू लाख रूपिया के ऋण स्वीकृत कर दिए गइस। जेकर से मैं अपन हर्बल जड़ी-बूटी के दुकान खोले हव।
नोहर बतात हे कि मुख्यमंत्री रोजगार सृजन कार्यक्रम ह ओकर ब आत्मनिर्भर बनाए म मील के पत्थर साबित होइस हे। वर्ष 2022 ले हर्बल जड़ी-बूटी के दुकान सुरू कर मैं आत्मनिर्भर त होए हव अउ संग म ही आर्थिक रूप ले मजबूत हो गय हव। हर्बल केंद्र ले मैं 15 ले 20 हजार रुपिया तक कमा लेथंव अउ बैंक के किस्त घलो नियमित पटा देत हव। मैंने कभु सोचे नई रहेंव के मोर अपन खुद के हर्बल जड़ी बूटी के दुकान होही। आज ओ सपना पूरा होइस हे अउ आघू बाढ़े के रस्ता खुलिस हे। मैं अउ मोर परिवार अब खुस हे अउ मुख्यमंत्री जी ल साधुवाद जेकर सेती मैं इहां तक पहुंचे संग म ग्रामोद्योग विभाग घलो मोर सफलता म भागीदार बनिस जेकर सेती मोला नवा डहर मिलिस।
Success story
Neha Rathore