नाचा के सदस्य मन ह छत्तीसगढ़िया भाई-बहिनी मन ल हरेली तिहार के बधाई दीन
रायपुर, छत्तीसगढ़ के लोक परब हरेली के उछाह अऊ उमंग अब अमेरीका म घलोक रंग जमाए लगे हे। नॉर्थ अमेरिका छत्तीसगढ़ एसोसिएशन (NACHA) ह बिरसपत के अमेरिका म हरेली तिहार मनाईस। नाचा के सदस्य मन ह सात समुंदर पार ले अपन गौरवशाली कृषि संस्कृति ल सुरता करिन अऊ छत्तीसगढ़िया भाई-बहिनी मन ल हरेली तिहार के बधाई दीन।
नाचा के संस्थापक अऊ कार्यकारी अध्यक्ष श्री गणेश कर ह कहिन कि सात समंदर पार आज हम सबो हरेली उत्सव के रंग म रंगे हन, ताकि अवइया पीढ़ि घलोक प्रकृति के उत्सव के महत्व ल समझ सकयं। गुड़ के चीला बनाके पूजा अर्चना करके हमन घलोक प्रकृति ल अभिवादन करे हन। हमन छत्तीसगढ़ के समृद्ध कला-संस्कृति, तीज तिहार अऊ परंपरा मन उपर गरब हे।
अमेरिका के न्यूयार्क ले नाचा के सदस्य विभाश्री साहू ह हरेली तिहार के बधाई देवत कहिन कि सावन के महीना म खेत अऊ चारो कोति हरियाली छा जाथे, तब मनखे मन के उमंग अऊ बाढ़ जाथे। इही उमंग अऊ उछाह ल छत्तीसगढ़ म ‘हरेली तिहार’ (हरियाली उत्सव) के रूप म मनाए जाथे।
