विदेश म छाइस छत्तीसगढ़ के रंग: सैन फ्रांसिस्को म गूंजिस लोक-संस्कृति के स्वर

रायपुर, अमेरिका के सैन फ्रांसिस्को म भारतीय दूतावास कोति ले छत्तीसगढ़ राज्य स्थापना दिवस बड़ उछाह ले मनाए गीस। ए आयोजन म North America Chhattisgarh Association (NACHA) के बे एरिया चैप्टर ह प्रमुख भूमिका निभात छत्तीसगढ़ के समृद्ध संस्कृति, लोककला अऊ परंपरा मन के शानदार प्रदर्शन कारिस। कार्यक्रम म लगाए गए विशेष स्टॉल म राज्य के हस्तशिल्प, पारंपरिक आभूषण (गहना-गाठा) अऊ विशिष्ट उत्पाद मन के झलक ह सबो के ध्यान खींचिस।
मुख्य आकर्षण छत्तीसगढ़ी लोकनृत्य के मनमोहक प्रस्तुतीकरण रहिस, जेमां प्रवासी कलाकार मन ह पारंपरिक वेशभूषा म नृत्य करके दर्शक मन ल मंत्रमुग्ध कर दीन। ए आयोजन ह प्रवासी छत्तीसगढ़वासी मन ल अपन जड़ ले जोड़े रखे अऊ संस्कृति ल वैश्विक मंच म प्रस्तुत करे के अवसर दीस।
मुख्यमंत्री श्री विष्णु देव साय ह ACHA के उदीम मन के सराहना करत कहिन के प्रवासी छत्तीसगढ़वासी राज्य के “सांस्कृतिक राजदूत” यें, जेन छत्तीसगढ़ के अस्मिता अऊ गौरवशाली परंपरा मनल दुनिया भर म स्थापित करत हे। उमन कहिन के अइसन आयोजन मन ले राज्य के पहिचान अंतरराष्ट्रीय स्तर म मजबूत होथे अऊ अवइया पीढ़ी मन म अपनापन अऊ गरब के भावना जागृत होथे।