उत्तर बस्तर कांकेर : महतारी वंदन योजना ले संतोषी ल मिलत हे संतुष्टि
उत्तर बस्तर कांकेर, 07 सितमबर 2024। प्रदेश सरकार के महत्वाकांक्षी महतारी वंदन योजना ले महिला मन म एक अलगेच खुशी के माहौल बन गए हे। हर महिना मिलइया पइसा ले ऊंखर छोटे मोटे खरचा बर कोनो अऊ उपर निर्भर नइ रहना परय। एखर से एक प्रकार से उंखर आत्मविश्वास प्रबल होए हे।
जिला के दुर्गुकोंदल ब्लॉक के ग्राम गुमडीडीह के संतोषी जैन ह प्रदेश सरकार के महतारी वंदन योजना के लाभ उठाके अपन जीवन म सकारात्मक बदलाव के कहानी साझा करिस। श्रीमती जैन ह बताइस ‘महतारी वंदन योजना ले हमला बहुत फायदा होए हे। समय म मिलइया पइसा ले हम अपन परिवार के बेहतर ढंग ले पालन-पोषण कर पावत हन।’ उमन बताइन के एखर से कभू लइका मन बर, कभू अपन बर जरूरत के कुछ सामान बिसा लेथे।
श्रीमती जैन ह मुख्यमंत्री श्री विष्णुदेव साय के आभार व्यक्त करत कहिस के ‘ये योजना ले हम महिला मन म अलग प्रकार के खुशी हे। सरकार के ये योजना हमला आत्मनिर्भरता कोति आगू बढ़ावत हे।’ जानबा हे कि ये कहानी ग्रामीण क्षेत्र मन म सरकारी योजना मन के सफलता के प्रमाण हे। महतारी वंदन योजना ह न केवल आर्थिक सशक्तिकरण प्रदान करे हे, भलुक महिला मन ल अपन पांव म खड़ा होए के रद्दा म आगू बढ़ावत हे।