जशपुर के पीएमश्री विद्यालय म अब एनसीसी एयर स्क्वाड्रन शुरू होही

मुख्यमंत्री श्री साय के उदीम ले मिलीस स्वीकृति
स्थानीय युवा मन ल कैरियर बनाए म मिलही मदद
मुख्यमंत्री ले एयर एनसीसी के छात्र मन ह करिन मुलाकात
रायपुर, छत्तीसगढ़ के जशपुर जिला के युवा मन ल अब एनसीसी म एयर स्क्वाड्रन के संग अपन कैरियर बनाए के बर मदद मिल पाही। मुख्यमंत्री श्री विष्णु देव साय के उदीम ले जिला के पीएमश्री जवाहर नवोदय विद्यालय म एनसीसी के एयर स्क्वाड्रन शुरू करे के मंजूरी मिल गए हे। ये छत्तीसगढ़ के 3 सीजी एनसीसी एयर स्क्वाड्रन होही। श्री साय के उदीम ले ये जिला बर एक ऐतिहासिक उपलब्धि हे, जेन स्थानीय युवा मन के भविष्य ल नवा ऊँचाइ देही।
मुख्यमंत्री ह विद्यालय म एयर एनसीसी के बर चुने गए 25 मेधावी पढ़ईया लईका मन ल एनसीसी कैडेट्स के बैच लगाके पंजीयन के शुरुआत करिन अऊ ऊंखर उज्ज्वल भविष्य के कामना करिन। एमां 13 बालिका मन अऊ 12 बालक सामिल हे। ए बेरा म विंग कमांडर श्री विवेक कुमार साहू ह मुख्यमंत्री ल चिनहारी भेंट करके सम्मानित करिन। ए बेरा म विधायक श्रीमती गोमती साय अऊ श्रीमती रायमुनी भगत, जिला पंचायत अध्यक्ष श्री सालिक साय, नगर पालिका अध्यक्ष श्री अरविंद भगत, उपाध्यक्ष श्री यश प्रताप सिंह जूदेव, जिला पंचायत उपाध्यक्ष श्री शौर्य प्रताप सिंह जूदेव संग जनप्रतिनिधिगण, अधिकारी-कर्मचारी मौजूद रहिन।