- अब तक 24 हजार वर्मी कम्पोस्ट खाद के बिक्री
बेमेतरा, 04 जून 2020। राष्ट्रीय ग्रामीण आजीविका मिशन RLM (बिहान) अन्तर्गत विकासखण्ड साजा जिला बेमेतरा के ग्राम पंचायत टिपनी के जय महामाया महिला स्व सहायता समूह वर्मी कम्पोस्ट खाद के निर्माण करत हे। संगेच स्वसहायता समूह के सदस्य गांव वाले मन ल पारंपरिक खाद बनाए के प्रशिक्षण घलोक देवत हें। स्वसहायता समूह ले जुड़े समूह के मानना हे कि वर्मी कम्पोस्ट खाद रासायनिक खाद के अपेक्षा जमीन बर जादा उपयोगी हे। एखर से जमीन ल कोनो नुकसान नइ होवय भलकुन एखर उपयोग ले जमीन के उर्वरा शक्ति बाढ़थे। अऊ फसल के पैदावार घलोक अच्छा होथे।
ग्राम टिपनी के महामाया स्वसहायता समूह ह पाछू 7 महिना ले जैविक खाद बनाए के काम करत हे। जैविक खाद बनाए ले पहिली एकर प्रशिक्षण समूह के अध्यक्ष श्रीमती इन्द्ररानी देवांगन, सचिव श्रीमती क्रांती साहू अउ स्वसहायता समूह के सदस्य मन ल थानखम्हरिया के ग्रामीण कृषि विस्तार अधिकारी श्री बलवंत सिन्हा ह देहे रहिस, जेमां जनपद पंचायत के सहायक विकास विस्तार अधिकारी श्री एस.के. चौबे अउ पी.आर.पी. श्रीमती वीणा मार्कण्डेय उपस्थित रहिस।
जानबा हे के महामाया समूह ले जुड़े 12 महिला वर्मी कम्पोस्ट खाद बनाथें। अभी तक स्व सहायता समूह ह 14 क्विंटल वर्मी कम्पोस्ट खाद बनाके 10 रू- प्रति किलो के दर ले ग्राम पंचायत के ही किसान मन ल 14000/-रू- म विक्रय कर डरे हें अऊ 4 ट्राली बेस्ट डी कम्पोस्ट खाद ( उपचारित गोबर खाद) के खरीदी 2500 प्रति ट्राली के दर ले 10000/- रू- के ग्राम पंचायत टिपनी के ही किसान मन ह ये समूह ले करे हें। किसान मन ह ए कम्पोस्ट खाद के खरीदी करके अपन खेतो बाड़ी म ये प्राकृतिक खाद के छिड़काव करत हें जऊन फसलो बर बिकट लाभदायक साबित होवत हे।
