रायपुर, 28 अगस्त 2024। मुख्यमंत्री श्री विष्णुदेव साय ले काली इहां ऊंखर निवास कार्यालय म नुआखाई शोभायात्रा संचालन समिति रायपुर के प्रतिनिधिमंडल ह सौजन्य मुलाकात करिस। प्रतिनिधिमंडल ह मुख्यमंत्री श्री साय ल नुआखाई पर्व शोभायात्रा के समापन समारोह म बतौर मुख्य अतिथि सामिल होए के निमंत्रण दीस।
मुख्यमंत्री ल समिति के सदस्य मन ह बताइस कि अवइया 3 सितमबर के संझा 5 बजे राजधानी रायपुर के ग्रास मेमोरियल खेल मैदान म ये कार्यक्रम आयोजित करे जाही। मुख्यमंत्री श्री विष्णुदेव साय ह प्रतिनिधिमंडल ल नुआखाई पर्व के अग्रिम बधाई देवत आमन्त्रण बर ओ मन ल धन्यवाद दीन। ए बेरा म नुआखाई शोभायात्रा संचालन समिति रायपुर ले श्री प्रताप, श्री गोपाल सोना, श्री रघुचंद्र निहाल, श्री जितेन्द्र, श्री गणेश हरपाल, श्री वैष्णव, श्री भरत छुरा जी, श्री चंदु बघेल जी, श्री सुरज, श्री पंकज, श्री राजु, श्री रमन ताण्डी उपस्थित रहिन।