रायपुर, 04 अकटूबर 2020। मुख्यमंत्री श्री भूपेश बघेल राज्य म कुपोषण मुक्ति बर संचालित मुख्यमंत्री सुपोषण अभियान के पहिली वर्षगांठ म 05 अकटूबर के ये अभियान के सफलता बर सक्रिय भूमिका निभइया राज्य के जम्मो आंगनबाड़ी कार्यकर्ता मन ल यूनिफॉर्म (साड़ी) बांटे के शुभारंभ करहीं। ये कार्यक्रम मुख्यमंत्री निवास कार्यालय म वीडियो कॉन्फ्रेंसिंग के संग संझा 5.30 बजे ले होही।
मुख्यमंत्री श्री भूपेश बघेल ये मौका म मुख्यमंत्री सुपोषण अभियान ले संबंधित कॉफी टेबल बुक अऊ महिला अऊ बाल विकास विभाग पत्रिका के विमोचन करे के संगेच ये अभियान म तियार डॉक्यूमेंट्री अऊ कुपोषण के रोकथाम बर व्यवहार म बदलाव बर सामाजिक संदेश देहे खातिर बनाए गए फिल्म के अवलोकन करहीं। मुख्यमंत्री वीडियो कॉन्फ्रेंसिंग के माध्यम ले सुपोषण अभियान ले लाभान्वित हितग्राही मन ले चर्चा घलोक करहीं। ये मौका म महिला अऊ बाल विकास मंत्री श्रीमती अनिला भेंडि़या अऊ सचिव श्री प्रसन्ना आर. ह मुख्यमंत्री सुपोषण अभियान अंतर्गत बीते एक साल म हासिल उपलब्धि मन के प्रस्तुतिकरण देहीं।
