रायपुर, 13 अक्टूबर 2020। कुपोषण ले मुक्ति बर राज्य सरकार कोति ले चलाय जात सुपोषण अभियान के असर दिखे लगे हे। 2 अक्टूबर 2019 ले शुरू होए ये योजना के सफलतापूर्वक क्रियान्यवन ले प्रदेश भर म करीबन 14 प्रतिशत लइका कुपोषण ले मुक्त हो गे हें। कांकेर जिला म प्रशासन ह कुपोषण मुक्ति ल गंभीरता ले लेत कुपोषित लइका मन के परिवार ल सब्जी बीज के मिनीकिट निःशुल्क प्रदान करे के निर्णय लेहे हे। एखर संगेच ओ मन ल कम्पोस्ट खाद घलोक उपलब्ध कराए जाही ताकि अइसन लइका मन के माता-पिता अपन घरे म हरी सब्जी उगाके अपन लइका मन ल खवा सकें। एखर अलावा कुपोषित लइका मन के परिवार ल निःशुल्क मच्छरदानी घलोक देहे के निर्णय लेहे गए हे। प्रशासन के बताती एखर से कांकेर जिला के 08 हजार 760 कुपोषित लइका मन ल सुपोषित होए म मदद मिलही।
सुपोषण अभियान अपन लक्ष्य ल पाए बर उत्ता-धुर्रा बाढ़त हे
