जगदलपुर, 3 दिसंबर 2020। छत्तीसगढ़ म शासन द्वारा संचालित मुख्यमंत्री सुपोषण अभियान बस्तर जिला के ग्राम मंगनार निवासी मनीष बर वरदान बनिस। श्री चंदर साय के घर 30 जून 2017 के चौथा पुत्र मनीष के जन्म होइस। मां बेलमती के कम उम्र म बिहाव होए के सेती वो शारीरिक रूप ले कमजोर रहिस। एखर सेती मनीष के वजन घलो जन्म के बेरा मात्र 1700 ग्राम रहिस। मां बेलमती के कमजोर सेहत के सेती लइका ल पर्याप्त मात्रा म मां के दूध उपलब्ध नई होवत रहिस। अइसे स्थिति म मनीष के छह माह होवत ही आंगनबाड़ी केन्द्र ले पोषक आहार देहे जाए बर लगिस। माता के निधन के सेती आंगनबाड़ी कार्यकर्ता के देखरेख ले मनीष के सेहत सुधरिस।
प्रदेश म 2 अक्टूबर 2019 ले प्रारंभ ए योजना के तहत जन्म ले ही कुपोषित मनीष ल अण्डा अऊ मूंगफली के संग ही गर्म भोजन देहे जाए बर लगिस। एखर ले ओखर सेहत म तेजी ले सुधार होइस अऊ वो कुपोषण के गिरफ्त ले मुक्त होगे। लंबा बीमारी के बाद इही बछर मनीष के मां के देहांत होगे। ओखर बाद लॉकडाउन के दौरान ही आंगनबाड़ी कार्यकर्ता श्रीमती रीता पाण्डेय द्वारा निरंतर सूखा राशन पहुंचाए के संग ही ओखर सेहत के देखभाल के सुध लेहे गिस। मनीष के सुपोषित होए ले ओखर परिजन मन के संग ही आंगनबाड़ी कार्यकर्ता घलो काफी खुश हे। ओमन शासन के ए महत्वपूर्ण योजना बर मुख्यमंत्री श्री भूपेश बघेल के प्रति आभार व्यक्त करे हे।