महिला मन अऊ लइका मन के स्वास्थ्य सुधार के दिशा म पूरा प्रदेश म चलत हे जागरूकता कार्यक्रम
रायपुर, मुख्यमंत्री श्री विष्णु देव साय अऊ महिला अऊ बाल विकास मंत्री श्रीमती लक्ष्मी राजवाड़े के बताए रद्दा म पूरा प्रदेश म पोषण अभियान प्रभावी रूप ले संचालित करे जात हे। ए अभियान के उद्देश्य गर्भवती अऊ शिशुवती माता, शिशु अऊ बालिका मनके पोषण स्तर म सुधार करना अऊ समुदाय ल संतुलित आहार अऊ सही पोषण के जानकारी देना हे।
कुपोषण अऊ एनीमिया जइसे समस्या मन के उन्मूलन
मुख्यमंत्री श्री साय ह कहिन के राज्य सरकार महिला मन अऊ लइका मन के स्वास्थ्य ल सर्वाच्च प्राथमिकता देवत हे। पोषण अभियान कुपोषण अऊ एनीमिया जइसे समस्या मन के उन्मूलन म महत्वपूर्ण भूमिका निभावत हे। मंत्री श्रीमती राजवाड़े ह कहिन के गांव-गांव तक पोषण के संदेश पहुंचाके महिला मन अऊ लइका मन के जीवन म सकारात्मक बदलाव लाना ही विभाग के लक्ष्य हे।
कलेक्टर मन अऊ जिला कार्यक्रम अधिकारी मन के मार्गदर्शन म प्रदेश के सबो जिला मन म ये अभियान सरलग प्रगति करत हे। इही क्रम म मनेन्द्रगढ़-चिरमिरी-भरतपुर जिला के चौनपुर अऊ ग्राम पंचायत कठौतिया म विशेष पोषण जागरूकता कार्यक्रम आयोजित होइस, जेमां बड़ संख्या म महिला मन ह भाग लीन। पोषण जागरूकता कार्यक्रम म खांटी जानकार अऊ अधिकारी मन ह महिला मन ल विस्तार ले जानकारी दीन जेमां 0 ले 6 साल तक के लइका मन म बौनापन, कम वजन अऊ जन्म के समय कम वजन के समस्या ल रोकके कुपोषण के दर ल कम करना रहिस।
एनीमिया उन्मूलन
लइका मन, किशोरी मन अऊ 15-49 साल के महिला मन म एनीमिया के मामला ल कम करना। पोषण जागरूकता गर्भवती अऊ स्तनपान करइया माता मन ल कुपोषण अऊ संतुलित आहार के बारे म जागरूक करना। पूरा पोषण ठउका करना, माता अऊ लइका मन बर संतुलित आहार अऊ बेहतर स्वास्थ्य व्यवस्था ल बढ़ावा देना संगेच आन बात सामिल हे।
कार्यक्रम के आखरी म उपस्थित महिला मन ल पौष्टिक नाश्ता कराए गीस अऊ उंखर से अपन परिवार अऊ समुदाय म पोषण जागरूकता फैलाय के आग्रह करे गीस। ये अभियान महिला मन अऊ लइका मन के स्वास्थ्य स्तर ल सुधारत हे, संगेच पूरा प्रदेश म सही पोषण के संदेश जन-जन तक पहुंचावत हे।
