उत्तर बस्तर कांकेर, मुख्यमंत्री सुपोषण योजनांतर्गत कुपोषित लइका मन अऊ गर्भवती अऊ शिशुवती माता मन ल सुपोषण दूत मन घर-घर जाके कोदो के खिचरी अऊ रागी के हलवा खवाए जात हे। जिला के 2140 आंगनबाड़ी केन्द्र मन म कुपोषित लइका मन, गर्भवती अऊ शिशुवती माता मन के स्वास्थ्य ल बेहतर बनाए के उद्देश्य ले महिला अऊ बाल विकास विभाग कोति ले सरलग उदीम करे जात हे। कुपोषित लइका मन ल सुपोषित करे बर महिला अऊ बाल विकास विभाग कोति ले पूरक पोषण आहार कार्यक्रम, मुख्यमंत्री बाल संदर्भ योजना, मुख्यमंत्री सुपोषण मिशन योजना, महतारी जतन योजना, प्रधानमंत्री मातृवंदना आदि योजना संचालित करे जात हे। जिला म पूरक पोषण आहार अंतर्गत 3572 लइका मन अऊ 12,520 शिशुवती व गर्भवती माता मन ल लाभान्वित करे गए हे।
कांकेर जिला के कई ठन विकासखंड अंतर्गत 06 पोषण पुनर्वास केन्द्र के माध्यम ले 1135 कुपोषित लइका मन के उपचार करके लाभान्वित करे गए हे। मुख्यमंत्री बाल संदर्भ योजनांतर्गत दिसम्बर 2021 तक 4,521 लइका मन के स्वास्थ्य परीक्षण अऊ दवई देके लाभान्वित करे गए हे। प्रधानमंत्री मातृवंदना योजना के तहत् 16012 हितग्राही मन के पंजीयन करे गीस, जेमे ले 13151 हितग्राही मन ल पहिली किश्त के राशि, 12242 हितग्राही मन ल दूसर किश्त के राशि अऊ 8855 हितग्राही मन ल तीसर किश्त के राशि ले लाभान्वित करे गए हे।
वजन त्यौहार 2021 के आकड़ के मुताबिक जिला म 9908 लइका मध्यम कुपोषित अऊ 2923 लइका गंभीर कुपोषित रहिन। ओ समय कुपोषण के प्रतिशत 27.09 रहिस। नवम्बर 2021 के आंकड़ा के मुताबिक 7110 लइका मध्यम कुपोषित अऊ 1134 लइका गंभीर कुपोषित हे, जिंकर योजना के तहत समुचित उपचार करे जात हे। जेखर से जिला के कुपोषण दर म 2.09 प्रतिशत के कमी आए हे।
सुपोषण दूत मन के माध्यम ले 16092 हितग्राही मन ल खवाए जात हे कोदो के खिचरी अऊ रागी के हलवा
