शिक्षिका ह अपन जनम दिन म दीस ‘न्यौता भोज’

लइका मन म खुशी के लहर, विद्यालय परिवार ह दीस शुभकामना
सूरजपुर, प्रधानमंत्री पोषण आहार योजना के अंतर्गत शासकीय प्राथमिक माध्यमिक शाला पतरापाली म ओ बेरा म खुसी अऊ उछाह के वातावरण बन गे, जब विद्यालय के शिक्षिका श्रीमती अनिता सिंह ह अपन जनम दिन के अवसर म विद्यालय के सबो लइका अऊ गुरूजी मन ल न्यौता भोज दीन। ए बेरा म लइका मन ल सामान्य मध्यान्ह भोजन के संगे-संग केला, समोसा, क्रीम ब्रेड अऊ मीठ लाड़ू परोसे गीस, जेखर से सबो पढ़ईया लईका मन खुस होइन।
कार्यक्रम के आयोजन प्रधानमंत्री पोषण आहार योजना के अंतर्गत करे गीस, जेखर माध्यम ले लइका मन ल अकतहा पोषण देहे के घलोक उद्देश्य रहिस। सूरजपुर जिला के शासकीय प्राथमिक माध्यमिक शाला पतरापाली के विद्यालय परिवार ह ए प्रेरणादायी पहल के सराहना करिस। गुरूजी योगेश साहू ह शिक्षिका श्रीमती अनिता सिंह ल जनम दिन के शुभकामना देवत कहिन के, “इस प्रकार के मानवीय अऊ स्नेहपूर्ण प्रयास न केवल लइका मन के स्वास्थ्य के लिए उपयोगी है, बल्कि शिक्षक और विद्यार्थियों के बीच आत्मीय संबंध को भी सुदृढ़ करता है।” लइका मन ह घलोक खुशी व्यक्त करत कहिन के ये दिन ऊंखर बर बहुत खास रहिस। सबो मन ह शिक्षिका के प्रति आभार जतात ओ ल दीर्घायु अऊ स्वस्थ जीवन के शुभकामना दीन।