स्वास्थ्य मंत्री ह कलेक्टर ल जरूरी कार्यवाही बर दीन निर्देश
बलौदाबाजार, 19 सितंबर 2024। रायपुर के अश्विनी नगर म रहइया 91 बछर के श्री गौरीशंकर अग्रवाल वकालत करथे। बौद्धिक क्षमता के धनी श्री अग्रवाल छत्तीसगढ़ म ग्राम सभा के उपर किताब घलोक लिखे हे। आज के समय म जब हर मनखे संपत्ति बनाए अऊ बचाय के कोसिस म लगे हे, श्री अग्रवाल ह ए सबले उपर उठके अपन संपत्ति ल राष्ट्रहित म दान करे के पेशकश करे हे।
श्री अग्रवाल ह आज स्वास्थ्य मंत्री श्री श्याम बिहारी जायसवाल ले मुलाकात करिस अऊ अपन मंशा के मुताबिक बलौदाबाजार जिला म स्थित अपन 38 डिस्मिल के संपत्ति ल जनहित म अस्पताल बनाए खातिर दान करे के इच्छा जताईस। स्वास्थ्य मंत्री श्री जायसवाल ह श्री अग्रवाल के ए फैसला ल हरावत पुष्प गुच्छ देके उंखर सम्मान करिन। स्वास्थ्य मंत्री ह श्री अग्रवाल के मंशा के मुताबिक आगू के कार्यवाही बर बलौदाबाजार कलेक्टर ल निर्देश देहे हें ताकि विधि सम्मत आगू के कार्यवाही करे जा सकय।
