रायपुर, बस्तर संभाग के चार जिला मन म सैकड़ों बंद स्कूल मन ल दुबारा खोले म उहां के लइका मन ह मुख्यमंत्री श्री भूपेश बघेल ल धन्यवाद देहे हें। मुख्यमंत्री के निवास कार्यालय म आज ऑनलाइन आयोजित राज्य स्तरीय शाला प्रवेशोत्सव कार्यक्रम के संग मुख्यमंत्री श्री बघेल ह बीजापुर, सुकमा, नारायणपुर अऊ दंतेवाड़ा जिला म पाछू 15 बठर म कई कारण ले बंद 260 स्कूल मन ल दुबारा खोले के शुरूआत करिन। एमां बीजापुर जिला के 158, सुकमा के 97, नारायणपुर के चार अऊ दंतेवाड़ा के एक स्कूल सामिल हे। ए स्कूल मन म 11 हजार ले जादा लइका पढ़हीं। मुख्यमंत्री ह फेर खुले ए स्कूल मन म प्रवेशित लइका मन अऊ ऊंखर पालक मन ले आज वीडियो कॉन्फ्रेंस ले बात करिन।
बंद स्कूल मन ल दुबारा खोले म बस्तर के लइका मन ह मुख्यमंत्री ल कहिन ‘धन्यवाद कका’
