रायपुर, 2 फरवरी 2021। समाज कल्याण मंत्री अनिला भेंड़िया के पहल म राजधानी रायपुर के घड़ी चौक के तीर, कलेक्टोरेट उद्यान परिसर म एक फरवरी लेे निःशुल्क योग कक्षा फेर ले शुरू कर देहे गए हे। इहां योग आयोग के मास्टर ट्रेनर पूनम शुक्ला द्वारा प्रतिदिन बिहनियां 6 ले 7 बजे तक योग सिखाये जाही। रायपुर शहर के नागरिक उद्यान म निःशुल्क योग सीख सकत हे।
उल्लेखनीय हे कि कोरोना संक्रमण के सेती कलेक्टोरेट गार्डन म चलत योग कक्षा बंद कर देहे गए रहिस। योग के माध्यम ले सामाजिक परिवर्तन के उद्देश्य ले नशामुक्ति संकल्प अउ शपथ दिवस के अवसर म समाज कल्याण मंत्री तथा अध्यक्ष छत्तीसगढ़ योग आयोग अनिला भेंड़िया ह कलेक्टोरेट गार्डन म प्रतिदिन निःशुल्क योग प्रशिक्षण शुरू करे के घोषणा करे रहिन।
