मुख्यमंत्री के हुकुम म स्कूल मन म सूखा मध्यान्ह भोजन के वितरण चालू

• प्रदेश के करीबन 29 लाख लइका मन ल मिलही लाभ
• राज्य म फ्लेक्सी मद ले 4 जिला अऊ मुख्यमंत्री अमृत योजना के तहत 2 जिला मन म सुगंधित सोया मीठा दूध घलोक पिलाए गीस

रायपुर, 03 अप्रैल 2020। नोवेल कोरोना वायरस (कोविड-19) के संक्रमण के रोकथाम के उद्देश्य ले राज्य शासन ह सबो स्कूल ल लॉकडाउन के स्थिति म 14 अप्रैल तक बंद कर देहे हे। मुख्यमंत्री श्री भूपेश बघेल के हुकुम म अवकाश अवधि म स्कूली लइका मन ल मध्यान्ह भोजन देहे के निर्णय ले गए हे। राज्य के करीबन 29 लाख लइका मन ल मध्यान्ह भोजन योजना के लाभ उठाथें। जेमां 18 लाख प्राथमिक स्कूल के अऊ 11 लाख लइका अपर प्राथमिक शाला म अध्ययनरत हें। शासन के हुकुम के मुताबिक राज्य के सबो 28 जिला मन म मध्यान्ह भोजन योजना अंतर्गत सूखा राशन वितरण करे जाही। एखर वितरण बर 3 अऊ 4 अप्रैल के तारीक निरधारित हे। कहूं वितरण 2 दिन म पूरा नइ होही त एला अऊ आगू बढ़ाए जाही।