राजधानी के प्रोफेसर कॉलोनी म चोर मन बोलिस धावा, पुलिस वाला के घर ले 1 लाख के चोरी

रायपुर, 30 जुलाई 2020। प्रदेश के राजधानी रायपुर म एक पुलिस आरक्षक के घर चोरी के मामला आगु आये हे। बताये जावत हे कि करीब 1 लाख रुपिया नगद अउ ज्वेलरी घलो शामिल हे। जानकारी के अनुसार धमतरी जिला के कुरुद थाना म पदस्थ आरक्षक जयप्रकाश प्रधान ह एखर शिकायत पुरानी बस्ती थाना म करे हे। आरक्षक ह थाना म जानकारी दे हे कि वो अपन 2 भाई विजय प्रकाश प्रधान अउ रूपानंद प्रधान के संग प्रोफेसर कॉलोनी सेक्टर-2 म रथे। 22 जुलाई के उंखर पूरा परिवार सराईपाली कुछ काम ले गे रिहिस। जब वो 29 जुलाई के लहुटिस त देखिस कि घर के ताला टूटे हे अउ घर के अंदर रखे ज्वेलरी अउ कैश उहां नई हे।