गरियाबंद, 22 मार्च 2020। जिला के किडनी प्रभावित गांव सुपेबेड़ा म एक अउ पीड़ित के मौत होगे हे। मृतक लालबन्धु क्षेत्रपाल बीते कई साल ले किडनी बीमारी ले जूझत रहिस। बीते 9 महीने ले लालबन्धु क्षेत्रपाल के इलाज रायपुर म चलत रहिस। किडनी ल बीमारी ले मरने वाला मन के संख्या 72 पहुंच गे हे।
मृतक के इलाज रायपुर के एक अस्पताल म चलत रहिस। मृतक लालबन्धु कर रोपण अधिकारी के पद म पदस्थ रहिस। रायपुर ले शव गांव पहुंचे म मातम के माहौल पसर गे हे। किडनी फेल होय ले लगातार होवत मउत मन ले जहां ग्रामीण मन म दहशत हे, वहीं किडनी प्रभावित सुपेबेड़ा गांव म ये मउत के बाद एक घाव फेर राजनीति गरम हो सकत हे।
