रइपुर, 6 अगस्त 2021 शुकवार। छत्तीसगढ़ सरकार के खाद्य अउ नागरिक आपूर्ति मंत्री श्री अमरजीत भगत ह आज रायपुर के पीडीएस दुकान मन के उदुपहा निरीक्षण करीन। उन मन छत्तीसगढ़ नगर टिकरापारा उचित मूल्य के दुकान अउ अपना गार्डन के तीर अम्लीडीह स्थित उचित मूल्य के दुकान मन के उदुपहा निरीक्षण करीन। खाद्य मंत्री ह ये बेरा म दुकान संचालक मन म हितग्राही मन ल बने गुणवत्ता के राशन सामग्री प्रदान करे के निर्देश दीन।
मंत्री श्री अमरजीत भगत आज विशेष तौर म वन नेशन वन राशन कार्ड के क्रियान्वयन बर दुकान मन म लगाए गेहे इलेक्ट्रॉनिक मशीन मन के जायजा लेहे बर निकले रिहिन। उन मन उपरोक्त दुकान मन म इन्स्टॉल करे गेहे ई-पॉज़(इलेक्ट्रॉनिक पॉइन्ट ऑफ सेल) मशीन के जांच करीन। ये मशीन ट्रायल के तौर म धमतरी अउ रइपुर के उचित मूल्य के दुकान मन म लगाए गे हवयं।
उन कहीन कि पहली चरण म शहरी क्षेत्र मन म मशीन लगाए के बाद दूसरइया चरण म लउहें ये मशीन मन गंंवई क्षेत्र के उचित मूल्य के दुकान मन म लगाए जाही। उन मन बताइन कि छत्तीसगढ़ म वन नेशन वन राशन कार्ड योजना के शुभारंभ करे जावत हावय। पहली चरण म एकर शुरूआत नगरीय क्षेत्र मन म होवत हावय। एकर तहत रइपुर अउ धमतरी के दुकान मन म ई-पॉज़ मशीन लगाए गे हवय। एकर नतीजा कइसन हे, ये मशीन का परिणाम देवत हावय, ये देखे बर हम गए रहेन । नतीजा संतोषप्रद हवयं।’’
खाद्य मंत्री श्री अमरजीत भगत ह कहीन कि वोमन पूरा प्रदेश म वन नेशन वन राशन कार्ड योजना आरंभ करइयाा हावन। एकर ले छत्तीसगढ़ के हितग्राही जब आने प्रदेश मन म जाही त उन मन राशन प्राप्त करे म आसानी होही। ये बेरा म मंत्री श्री अमरजीत भगत के संग खाद्य सचिव श्री टोपेश्वर वर्मा, मार्कफेड के एमडी श्रीमती किरण कौशल संग जिला के खाद्य अधिकारी संघरे रिहिन।
