कांकेर, 23 दिसम्बर 2020। कलेक्टर चन्दन कुमार के निर्देशानुसार जिला म धान के अवैध भंडारण अऊ परिवहन ऊपर सरलग कार्यवाही करे जावत हे। राजस्व अऊ खाद्य विभाग के अधिकारी तथा मंडी के अधिकारी मन के संयुक्त टीम द्वारा गत दिवस पखांजूर तहसील हाॅकेर स्थित कृष्णा राईस मिल ले 25 सौ बोरा लगभग 01 हजार क्विंटल धान ल जप्त करे गए हे, जोन ये बछर जिला म अब तक के सबले बड़का जप्ती के कार्यवाही हे। ये कार्यवाही म नायब तहसीलदार मोहित साहू, खाद्य निरीक्षक जतिन देवांगन अऊ मंडी उप निरीक्षक बलराम कोर्राम शामिल रहिस। उक्त टीम द्वारा धान खरीदी केन्द्र हाॅकेर म टोकन ले ज्यादा धान के तौलाई के मामला घलो पकड़े गिस तथा 104 बोरा मोटा धान जप्त करे गिस।
उल्लेखनीय हे कि जिला प्रशासन के निर्देशानुसार स्थानीय प्रशासन द्वारा ये बछर काफी सक्रियता बरतत हुए दिन-रात धान खरीदी केन्द्र मन के औचक निरीक्षण करे जावत हे। तहसीलदार शेखर मिश्रा ह बतइन पखांजूर तहसील के 05 धान खरीदी केन्द्र मन म पी.व्ही. 32, पी.व्ही. 121, माटोली, छोटेबेठिया, कुरेनार के केन्द्र प्रभारी ल हटा देहे गए हे तथा कुल तीन समिति प्रबंधन ल कारण बताओ नोटिस घलो जारी करे गए हे। बांदे समिति के एक मामला म एफआईआर घलो दर्ज हो चुके हे।
