- – भिनसरहा साढ़े दस बजे ले रात सात बजे तक चलिस मैराथन बैठक म हर विभाग के अधिकारी ले ओसरी-पारी विकास कार्य उपर होइस चर्चा
- – पहिली दिन कलेक्टर ह मंगाए रहिन विभागीय गतिविधि मन के फोल्डर, आज अधिकारी मन ले पूछिन प्लान अऊ ये म तय करे गीस कार्ययोजना
- – हर विभाग ल आधा घंटा के समय दे गीस, नवाचार मन उपर घलोक होइस परखर गोठ-बात
दुर्ग, 31 मई 2020। जिला के कलेक्टर डॉ. सर्वेश्वर नरेंद्र भूरे ह काली सबो जिलास्तरीय अधिकारी मन के ओरिएंटेशन मीटिंग लीन। हर अधिकारी ल आधा घंटा के बेरा दे गए रहिस। पहिली सबो विभागीय गतिविधि अउ प्रस्तावित नवाचार मन के संबंध म फोल्डर मंगवा लेहे गए रहिस। काली एकर उपर चर्चा करे गीस। बैठक म कलेक्टर ह पूछिन के विभागीय लक्ष्य मन ल प्राप्त करे बर कइसे योजना बनाय गए हे। का ये मा कोनो प्रकार के बाधा आवत हे। कहूं शासन के स्तर म कोनो प्रकार के प्रस्ताव भेजना हे त ओला बताव। जऊन विभाग मन के महत्वाकांक्षी योजना चलत हे। ऊंखर क्रियान्वयन के संबंध म वस्तुस्थिति के कलेक्टर ह जानकारी लीन। उमन सबो ले ओरिएंटेशन बैठक म कहिन के विभागीय लक्ष्य ल प्राप्त करे बर मासिक टारगेट रखव, एखर से वार्षिक लक्ष्य प्राप्त करे म आसानी होही। सबो ब्लाक लेवल के आफिसर्स के समीक्षा नियमित रूप ले करव। जिहां अच्छा काम होवत हे, उंहा अपनाए जात तकनीक ल आन ब्लाक म घलोक फालो करे जाए। नियमित मानिटरिंग बहुत जरूरी हे अऊ संग म ये घलोक के निचला अमला ले कोनो प्रकार के फीडबैक आवत हे त ओ म तुरंते कार्रवाई करे जाय।
स्थिति जानिन अऊ दीन सुझाव– बैठक म कलेक्टर साहब ह शिक्षा, कृषि, ग्रामीण विकास अउ निर्माण एजेंसी मन के संग सबो ले जिला म चलत अभी हाल गतिविधि के जानकारी लीन। उदाहरण बर शिक्षा विभाग ले मीटिंग के शुरूआत होइस अऊ कलेक्टर ह शासन कोति ले चलाए जात अंगरेजी माध्यम स्कूल मन के संबंध म जानकारी लीन। लाकडाउन के समय आनलाइन शिक्षा के बारे म घलोक जानकारी लीन। कृषि म उमन खाद-बीज के स्थिति के बारे म जानकारी लीन। उमन कहिन के लगातार किसान मन ले मिलके उंखर से फीडबैक लेवव। उमन कहिन के जमीनी स्थिति ले जतका जादा वाकिफ होहू, वोतकेच बेहतर परिणाम हमला मिल सकही। उमन कहिन के ब्लाक लेवल के अधिकारी मन ल घलोक लगातार ये बारे म मोटिवेट करव।
अइसे रखे गए रहिस शेड्यूल– कलेक्टर ह साढ़े दस बजे ले ओरिएंटेशन मीटिंग रखिन। ये सात बजे तक निरधारित रखे गीस। बीच म एक घंटा के समय कलेक्टर ह शंकराचार्य हास्पिटल के दौरा बर रखिन। उमन सबले पहिली साढ़े दस बजे एजुकेशन डिपार्टमेंट ल समय दीन। फेर 11 बजे ट्राइबल, फेर साढ़े ग्यारह बजे तक फूड, फेर 12 बजे कृषि अउ बीज निगम, साढ़े बारह बजे ले हार्टिकल्चर, एक बजे ले वेटरनरी, फिशरीज अऊ सेरीकल्चर, डेढ़ बजे ले सोशल वेलफेयर, 2 बजे ले एक्साइज, सवा दो बजे माइनिंग के ओरिएंटेशन मीटिंग रखे गीस। एखर बाद चार बजे ले जिला पंचायत, पांच बजे ले पीडब्ल्यूडी, साढ़े पांच बजे ले डब्ल्यूआरडी, छै बजे ले पीएचई अऊ साढ़े छे बजे ले पीएमजीएसवाय अउ एमएमजीएसवाय के ओरिएंटेशन रखे गीस।
