दिल्ली। भारतीय रेलवे ह यात्री मन ल नवा सुविधा अउ सहूलियत देवत हुए अब रिजर्वेशन चार्ट ल आनलाइन करे के फैसला ले हवय। एखर ले यात्री मन ल काफी सुविधा होही।
अब आईआरसीटीसी ह रिजर्वेशन चार्ट ल ऑनलाइन जारी करे के फैसला ले हवय। उमन एखर शुरूआत कर दे हवय। यात्री अब आईआरसीटीसी के वेबसाइट अउ एप म बुकिंग आउ खाली सीट मन ल ऑनलाइन देख सकत हे। ट्रेन म जोन कोच म सीट खाली हे, यात्री ओला बुक करा सकत हे।
दरअसल, अब नवा योजना म रिजर्वेशन चार्ट ट्रेन चले ले 4 घंटा पहली ऑनलाइन देखे जा सकत हे। जबकि फाइनल चार्ट ल ट्रेन छूटे के आधा घंटा पहली देखे जा सकत हे। अब ऑनलाइन जारी करे जावत चार्ट म सीट के आवंटन म परिवर्तन दिखही। अतना ही नई यात्री अपन डिब्बा के स्थिति अउ सीट के स्थिति भी आनलाइन जान सकही।
