सुकमा, 23 अप्रैल 2020। कोरोना संकट के लॉकडाउन के समय मनखे मन ल दैनिक उपयोग के जरूरी समान साग-भाजी अऊ फल आदि सहज मिल सकय एखर बर छत्तीसगढ़ सरकार ह ऑनलाइन पोर्टल सीजीहाट के शुरुआत करे हे। एखर माध्यम ले कोनो मनखे घर बइठे फल अऊ साग-भाजी बिसा सकत हे। कोरोना वायरस ले बचाव बर मनखे मन ल घरे म ही सुरक्षित रहे अऊ सोशल डिस्टेंसिंग ल प्रोत्साहित करे बर ये एक अभिनव प्रयास हे। एखर शुरूआत जिला प्रशासन सुकमा ह शहर म कर देहे हे। ये ऑनलाइन पोर्टल के कड़ी http://cghaat.in हे।
जउन ल जरूरत होही वो मनखे ये पोर्टल म ऑनलाइन ऑर्डर कर सकत हें। अभी हाल म ये पोर्टल के माध्यम ले डिलीवरी के सुविधा सुकमा शहर म चालू करे गए हे। जऊन वेंडर ये पोर्टल के माध्यम ले सेवा देना चाहत हें, ओ मन ये म ऑनलाइन पंजीयन करा सकत हें। कोरोना वायरस महामारी के संक्रमण ल रोके बर पूरा देश म लॉकडाउन ल 3 मई तक बढ़ा देहे गए हे अऊ लॉकडाउन के ये अवधि म ये ऑनलाइन सेवा मनखे मन बर अड़बड़ उपयोगी सिद्ध हो सकत हे। ये पोर्टल के सुकमा शहर म शुरुवात करत, श्री संदीप ह पहिली ग्राहक के रूप म पंजीयन करिस। पोर्टल म उपलब्ध बेचइया श्री मोहम्मद आसिफ ह 1 किलोग्राम टमाटर, 1 किलोग्राम बैगन, आधा किलो भिन्डी, आधा किलो फूलगोभी, आधा किलो पत्ता गोभी, आधा किलो बरबट्टी अऊ आधा किलो लौकी के आर्डर करे गीस। आर्डर करतेच बेचइया ल ओखर एसएमएस मिलिस जेमां वोखर आर्डर के जानकारी उपलब्ध रहिस। बेचइया ह खरीददार के घर म ओ आर्डर ल पंहुचा के अंकित शुल्क ले लीस।
