बाहरी मनखे मन के 21 फरवरी ले मंत्रालय महानदी भवन म होही प्रवेश के अनुमति

रायपुर, राज्य शासन कोति ले कोविड-19 के संक्रमण म आवत कमी ल देखत 21 फरवरी 2022 ले मंत्रालय महानदी भवन म वैध स्थायी या अस्थायी प्रवेश पत्र धारक, सुरक्षा कार्यालय कोति ले जारी दैनिक पास धारक अऊ विभागीय सचिव के अनुमति ले बाहरी मनखे ल मंत्रालय म प्रवेश के अनुमति प्रदान करे जाही। मंत्रालय जवइया मनखे मन ल कोविड-19 के संक्रमण के रोकथाम बर समय-समय म जारी निर्देश मन के अनिवार्यतः पालन करना होही। सामान्य प्रशासन विभाग कोति ले आज ये संबंध म विस्तृत दिशा-निर्देश जारी कर देहे गे हे।
जारी निर्देशों म कहे गए हे कि राज्य शासन कोति ले कोविड-19 के संक्रमण के रोकथाम अउ नियंत्रण बर मंत्रालय (महानदी भवन) म बाहरी मनखे के प्रवेश के संबंध म समय-समय म दिशा-निर्देश जारी करे जाथे। अभी हाल म संक्रमण म कमी आए के सेती अधिकारी-कर्मचारी मन के शत-प्रतिशत उपस्थिति ठउका करे गए हे, संगेच 5 दिन के काम दिन ठउका करके कार्यालय समय म बदलाव करे गए हे। ते पाए के पहिली जारी निर्देश मन ल अधिक्रमित करत 21 फरवरी 2022 दिन सोमवार ले मंत्रालय महानदी भवन म प्रवेश प्रदान करे के संबंध म निर्देश जारी करे जात हे।
निर्देशों म ये घलोक लिखे गए हे कि काबर कि कोविड-19 के संक्रमण पूरा खतम नइ होय हे। ते पाए के कोविड-19 बर समय-समय म जारी दिशा-निर्देश जइसे- सेनीटाइजर अउ मास्क के उपयोग, सोशल डिस्टेंसिंग के पालन अनिवार्यतः करे जाए।