पढ़ई तुंहर द्वार म बने पढिंन लइका मन

100-/- सफल रहिस गणित के ऑनलाइन कक्षा

मुंगेली 8 जून 2020// कलेक्टर श्री पी. एस. एल्मा के मार्गदर्शन में शासकीय उच्चतर माध्यमिक शाला चकरभाठा के पढ़इया लइका मन ल ही नही बल्कि पूरा छत्तीसगढ़ के लइका के पढई तुंहर दुआर योजना के अंतर्गत ऑनलाइन क्लास में गणित विषय के कक्षा 10 वी के निर्देशांक ज्यामिती के कक्षा लिये गिस। शिक्षक राजेन्द्र क्षत्री ह ये सम्बंध में बताइन कि शासन के महत्वपूर्ण योजना पढई तुहांर दुआर के द्वारा स्कुल के शिक्षक अउ लइका राज्य शासन के पोर्टल सीजीस्कूल इन म पंजीकृत होके पढाई तुहांर दुआर योजना के अन्तर्गत आॅनलाइन शिक्षा के लाभ लेवत हें। पढाई तुहांर दुआर योजना में शिक्षक वेबएक्स मिटींग एपलीकेशन के उपयोग करके स्कूली नोनी बाबु ल आनलाइन क्लास के द्वारा पढाई कराय के काम करत हावयं। उही लइका के पालक मनभी ये योजना के गंभीरता ल समझके लइका ल आनलाइन कक्षा बर प्रोत्साहित करत हावयं। आॅनलाईन कक्षा मे लइका के अंदर कौतूहल अउ गज़ब के जिज्ञासा देखे ल मिलिस । लइका मन ऑनलाइन कक्षा के दौरान शिक्षक द्वारा करे प्रश्न ल हल भी करिन अउ जेन विषय वस्तु समझ मे नई आइस ओला पूछ के अपन जिज्ञासा ल शांत करिन। शिक्षक राजेन्द्र क्षत्रिय ह बढियां गंभीरता पूर्वक अउ सुघ्घर इत्मिनान के साथ अध्यापन कार्य करके लइका के आगे अध्ययन जारी रखे के इक्षा घलो ब्यक्त आज करिन ।