रायपुर, 17 अगस्त 2020। वैश्विक प्रतिस्पर्धा म राज्य के विद्यार्थी मन अच्छा मुकाम हासिल कर सकयं, एखर बर राज्य के हर जिला म गवर्नमेंट उत्कृष्ट इंग्लिश मीडियम स्कूल के स्थापना करे जात हे। कोरोना संकटकाल म लइका मन के पढ़ाई प्रभावित झन होवय एखर सार्थक पहल करत जिला महासमुन्द म खोले गए गवर्नमेंट उत्कृष्ट इंग्लिश मीडियम स्कूल म सोमवार ले ऑन लाईन कक्षा शुरू हो गीस।
ऑनलाईन कक्षा के शुरूआत महासमुंद जिला के इंग्लिश मीडियम स्कूल के प्राचार्या सुश्री अमी रूफस ह कक्षा 10 वीं के विधार्थि मन ल अंगरेजी विसय के ऑन लाईन कक्षा लेके करिन। प्राचार्या सुश्री रूफस ह बताइस के ये स्कूल म पहली कक्षा ले लेके 11 कक्षा तक कुल जुन्ना अउ नवा 403 लइका मन ह दाखिला लेहे हें। एखर संचालन बर शिक्षक मन के व्यवस्था हो गए हे। पहली ले लेके 11 वीं तक कक्षा मन बर 40-40 सीट हे। ये मां गणित, विज्ञान अऊ कॉमर्स के विसय रखे गे हे। उमन बताइस के प्रवेश देवत समय शासन ले मिले दिशा-निर्देश मन के पालन करे गए हे। स्कूल म स्टॉफ के तत्कालिक व्यवस्था हो गए हे। जिला के कलेक्टर ह पढ़ाई शुरू होए म प्रसन्नता व्यक्त करत कहिन के स्कूल सुचारू रूप ले संचालित होए म लइका मन ल अच्छा वातावरण मिलही। जिला व शहरवासी मन ल इंग्लिश मीडियम स्कूल के रूप म एक सौगात मिले हे। जिला शिक्षा अधिकारी ह कहिन के जिला मुख्यालय म सरकारी इंग्लिश मीडियम स्कूल शुरू होए ले दूरगामी बढि़या परिणाम आगू आही।
