मुख्यमंत्री दिस बड़े राहत: अब घर बइठे ही मिलहि जाति अउ निवास प्रमाण पत्र

कोरोना संक्रमण ला मद्देनजर आवेदक मन मिलहि बड़े सुविधा

रायपुर, 26 जून 2020/ मुख्यमंत्री श्री भूपेश बघेल हा प्रदेश के छात्र-छात्रा मन अउ आम आदमी मन ला एक बड़े राहत देवत हे अब जाति अउ निवास प्रमाण पत्र ओखर घर में ही प्रदान करे के सुविधा मुहैया कराही । मुख्यमंत्री श्री बघेल के निर्देश में राज्य शासन के सामान्य प्रशासन विभाग द्वारा जाति अउ निवास प्रमाण पत्र के वितरण ला सरलीकरण करत हे प्रमाण पत्र मन ला आवेदक मन के घर पहुच सुविधा उपलब्ध कराये के आदेश सबो जिला कलेक्टर मन ला जारी करे हे ।
जारी आदेश के तहत जाति अउ निवास प्रमाण पत्र जारी होये के पश्चात संबंधित आवेदक मन से डाक रजिस्ट्री शुल्क लेके प्रमाण पत्र ओखर घर के पता में भेज दिए जाहि । एखर बर लोक सेवा केन्द्र अउ तहसील कार्यालय मन द्वारा आवेदक मन से डाक रजिस्ट्री व्यय शुल्क लेके अउ व्यय (जेन पईसा देहो) शुल्क की पावती (रसीद) देत आवेदक मन के निवास के पता मे प्रमाण पत्र भेजे के सुविधा दिही। जेखर से आवेदक मन ला फिरसे तहसील कार्यालय अउ लोक सेवा केन्द्र मन में जाये के जरुरत नई पढ़े । सामान्य प्रशासन विभाग के सचिव हा राज्य के सबो कलेक्टर मन ला शासन के मंशा अनुसार जाति अउ निवास प्रमाण पत्र आवेदक मन के घर भेजवाये के सुविधा शीघ्र शुरू करे के निर्देश देहे ।
गौरतलब हे कि राजस्व अउ आपदा प्रबंधन विभाग द्वारा छत्तीसगढ़ लोक सेवा गारंटी अधिनियम के तहत तहसील कार्यालय, अनुविभागीय अधिकारी राजस्व द्वारा जाति अउ निवास प्रमाण पत्र जारी कर प्रदान करे जाही । वर्तमान प्रचलित व्यवस्था में आवेदक मन द्वारा लोक सेवा केन्द्र अउ तहसील कार्यालय मन में जाति अउ निवास प्रमाण पत्र बर आवेदन पत्र जमा करे के निर्धारित समय पश्चात प्राप्त करे जाथे । अब आवेदक मन ला डाक द्वारा घर पहुच सेवा उपलब्ध कराये जाथे ।