अब छत्तीसगढ़ म घर बइठे होही हाइपोथीकेशन टर्मिनेशन
आईटी नवाचार ले परिवहन सुविधा होही आसान
रइपुर, 09 जुलाई 2022
मुख्यमंत्री दाऊ भूपेश बघेल के मनमुताबिक परिवहन मंत्री श्री मोहम्मद अकबर के मार्गदर्शन म प्रदेश के परिवहन विभाग कोति देहे जावत सुविधा ‘तुंहर सरकार तुंहर द्वार‘ ल अउ पोठ अउ सशक्त बनाए के दिशा म बढ़का कदम उठाए गे हवय। येकर तहत अब हाइपोथीकेशन ले संबंधित सबो सेवा मन ल फेसलेस कर देहे गे हवय। प्रदेशवासी अब घर बइठे हाइपोथीकेशन (एचपी) जुरे जम्मो सेवा मन के लाभ ले सकहीं। करीब 75 बैंक, वित्तीय संस्थान अउ गैर-बैंकिंग वित्तीय कंपनी (एनबीएफसी) मन ल अपन हाइपोथीकेशन (एचपी) सेवा संग संघारे गे हवय।
परिवहन आयुक्त श्री दीपांशु काबरा बताइन कि येकर तहत हाइपोथिकेशन जोड़े अउ समाप्ति के संबंध म आरटीओ कार्यालय म कोनो भौतिक दस्तावेज न इले जाही। बैंक अउ ऋण देवइया संस्था मन ल आधार कार्ड ले जुड़े मोबाइल नंबर म अवइया ओटीपी के माध्यम ले सबो दस्तावेज अउ एनओसी ल सॉफ्टवेयर के माध्यम ले डिजिटल रूप ले जमा करना होही, जेकर ले भौतिक हस्ताक्षर के आवश्यकता न परही।
वाहन स्वामी एक बेर बैंक म ऋण देहे या भुगतान कर दे जाही, त डेटा सीधा बैंक डहर ले वाहन डेटाबेस म स्थानांतरित कर देहे जाही। परिवहन विभाग कोति ले एचपीटी सेवा ल सत्यापित अउ अनुमोदित करे के बूता सॉफ्टवेयर के माध्यम ले सउंहत हो जाही। आवेदक ल अपन बैंक ले फॉर्म-35 अउ एनओसी पाए अउ ये दस्तावेज मन ल अपलोड करके हाइपोथेकेशन टर्मिनेशन बर परिवहन विभाग म आवेदन करे को कोनो आवश्यकता नइ रहिही। एचपी के ऑटो-टर्मिनेशन के बाद पीछु एमपरिवहन अउ डिजिलॉकर म अपडेटेड रजिस्ट्रेशन सर्टिफिकेट (आरसी) उपलब्ध करा देहे गे हवय। वाहन मालिक मन ल एक एसएमएस के माध्यम ले अपन एचपी के ऑटोमेटिक हटाए के बारे म तको सूचित करे जाथे।
परिवहन विभाग डहर ले संचालित ‘तुंहर सरकार तुंहर द्वार‘ योजना लोगन के सुविधा बर एक महत्वपूर्ण योजना हरे। परिवहन विभाग ले संबंधित जनसुविधा अतेक सहजता से घर बइठे मिले ले लोगन ल घेरी बइत परिवहन विभाग के चक्कर लगाए के आवश्यकता नइ परय।येकर ले के समय अउ धन के बचत होही।
’इसके तहत साले भर के भीतर 11 लाख लेे अधिक स्मार्ट कार्ड आधारित पंजीयन प्रमाण-पत्र अउ ड्राइविंग लायसेंस आवेदक मन के घर भेजे जा चुके हे। जेमा 07 लाख 50 हजार 934 ठिन स्मार्ट कार्ड आधारित पंजीयन प्रमाण-पत्र अउ 03 लाख 67 हजार 785 ठिन ड्राइविंग लायसेंस संघरे हे। येमा परिवहन संबंधी 22 ठिन सेवा उंखर घर के द्वार म पहुंचाके देहे जावत हावय।
मुख्यमंत्री दाऊ भूपेश बघेल ह बीते 26 जनवरी के घोषणा करे रिहिस। मुख्यमंत्री बघेल के घोषणा के पीछु ये संबंध म प्रक्रिया शुरू करे गीस। जारी मार्गदर्शिका के अनुसार राज्यभर म लगभग एक हजार परिवहन सुविधा केन्द्र पूरा राज्य म खोले जात हे जेकर ले स्थापना ले करीब पांच हजार युवा मन के रोजगार सृजन के संभावना तको बनहीं।
छत्तीसगढ़ ड्रायविंग लाइसेंस बर ऑनलाईन 1-ए प्रमाण-पत्र देवइया अव्वल राज्य हरे।
’विशेष प्रयोजन जइसे बिहाव, पिकनिक, धार्मिक दर्शन इत्यादि बर स्पेशल परमिट ल बस संचालक घर बइठे ऑनलाइन बना सकत हे। पिकनिक या विशेष प्रयोजन बर बस देवइया परमिट ल ऑनलाइन कर देहे गे हे । जेकर ले संचालक स्वयं यात्रा के जगह अउ दूरी भरके परनिट पा लेही। विशेष परमिट के बस संचालक के आवेदन करते ही सॉफ़्टवेर के द्वारा स्वतः अनुमोदन हो जाथे अउ बस संचालक घर बइठे परमिट प्रिंट कर सकत हे।