रायपुर, मुख्य सचिव श्री अमिताभ जैन ह काली राज्य शासन के महत्वपूर्ण योजना मन के क्रियान्वयन के समीक्षा करत वीडियो कॉन्फ्रेंसिंग म संभागायुक्त, कलेक्टर अऊ राजस्व विभाग के अधिकारी मन ले राजस्व न्यायालय के प्रगति के अऊ ऑनलाइन नामांतरण योजना के क्रियान्वयन के समीक्षा करत राजस्व विभाग के अधिकारी मन ल कहिन कि जमीन के रजिस्ट्री होतेच नामांतरण के ऑनलाइन व्यवस्था लउहे चालू करे जाए। उमन ये संबंध म अधिकारी-कर्मचारी मन ल जरूरी प्रशिक्षण प्रदान करे के निर्देश विभागीय अधिकारी मन ल दीन।
जानबा हे के रजिस्ट्री बैनामा के आनलाईन प्रक्रिया ले रजिस्ट्री होतेच बैनामा के कापी तुरते तहसीलदार मेर आनालाईन पहुंच जाथे। राजस्व संहिता के मुताबिक राजस्व अधिकारी ल भूमि के अधिकार परिवर्तन के सूचना चाहे जोन बिधि ले मिले वोला नामांतरण के कारवाही चालू कर देना हे। रजिस्ट्री आफिस ले बैनामा के कापी आनलाईन मिले के बाद घलव तहसीलदार मन नामांतरण के कारवाही नई करयं। मुख्य सचिव हा एकरे बारे म चेत करके कहिन के अब मिटकाए झन बईठव अऊ रजिस्ट्री होतेच नामांतरण के ऑनलाइन व्यवस्था लउहे चालू करव।
जमीन के रजिस्ट्री होतेच नामांतरण के ऑनलाइन व्यवस्था चालू करे जाए: मुख्य सचिव
