ऑनलाईन टोकन व्यवस्था ले किसान मन ल धान बेचे म होवत हे सुविधा
बिलासपुर, प्रदेश म धान खरीदी ह रफ्तार पकड़ लेहे हे धान बेंचाए के बाद लउहे किसान मन के खाता म भुगतान घलोक करे जात हे, जेखर से किसान अड़बड़ खुश हें। बिलासपुर जिला के तखतपुर विकासखण्ड के धान उपार्जन केंद्र सेंदरी पहुंचे अमतरा गांव के किसान धनीराम देवांगन ल धान बेचे के बाद लउहे 1 लाख 91 हजार रूपिया खाता म आ गे। वो ह बताइस के टोकन कटाए ले लेके भुगतान प्राप्त करे म ओ ल कोनो प्रकार के समस्या नइ होइस। ए व्यवस्था ले ओ ह अड़बड़ खुश हे, वो ह मुख्यमंत्री श्री विष्णुदेव साय के आभार जतात कहिस के सरकार के किसान हितैषी योजना मन ले किसान मन के जीवन अब संवरत हे।
5 दिन के भीतर वोखर खाता म आइस पइसा
बिल्हा विकासखंड के सेंदरी धान उपार्जन केंद्र पहुंचे अमतरा गांव के किसान श्री धनीराम देवांगन ह बताइस के ओ 6 एकड़ म खेती करत हे अऊ ए साल वो ह 140 क्विंटल धान बेंचिस। धान बेचे के पूरा प्रक्रिया म ओ ल कोनो प्रकार के परेशानी नइ होइस। वो ह बताइस के धान बेचे के बाद 5 दिन के भीतर वोखर खाता म राशि के हस्तांतरण हो गे। बोनस राशि के भुगतान घलोक कुछ समय बाद मिल जाही। वो ह कहिस के सरकार के संग किसान मन के हित खातिर लाए गए बहुत अकन योजना मन ले किसान मन ल अड़बड़ लाभ मिलत हे, खेती करना अब लाभदायक बन चुके हे। वो ह बताइस के ओ ल किसान सम्मान निधि के लाभ घलोक मिलत हे। सरकार के ये मदद छोटे किसान मन खातिर बड़का सहारा हे। खेती किसानी के बहुत अकन खरचा ए राशि ले पूरा हो जात हे।
