न लाइन के झंझट, नइ अगोरा! ‘ऑनलाइन टोकन’ ह बदलिस किसान मन के दुनिया, फटाफट बिक गे हजारों टन धान

महासमुंद, जिला म धान खरीदी के काम रिकॉर्ड तेजी ले चलत हे। केवल 12 दिन के भीतर जिला के 182 केंद्र मन म 97 हजार मिट्रिक टन ले जादा धान बिसाए जा चुके हे। ए बंपर खरीदी अऊ सुचारू व्यवस्था के राज ‘ऑनलाइन टोकन सिस्टम’ हे।
झालखम्हरिया केंद्र म धान बेचे आए किसान भागवत साहू अऊ शिवचरण साहू ह बताइस के ए नवा व्यवस्था ह उंखर परेशानी खतम कर देहे हे। उमन ऑनलाइन टोकन ले, तय समय म केंद्र पहुंचिस अऊ बिना कोनो अगोरा या भीड़-भाड़ के आसानी ले अपन धान बेच दीन।
किसान मन के कहना हे के ये सिसटम पूरा पारदर्शी हे। केंद्र मन म तौल सही होवत हे अऊ बारदाना मन के घलोक कोनो कमी नइ हे। धान बेचे के प्रक्रिया अतका सरल अऊ तेज होए ले किसान अड़बड़ खुश हे अऊ एखर बर राज्य सरकार के धन्यवाद करत हें।