रायपुर, 8 दिसम्बर 2020। छत्तीसगढ़ राज्य ओपन स्कूल द्वारा आयोजित हाई स्कूल, हायर सेकेण्डरी के मुख्य अऊ अवसर परीक्षा 2021 के विवरणिका अऊ परीक्षा आवेदन फॉर्म अध्ययन केन्द्र मन के माध्यम ले वितरण करे जावत हे। अइसे छात्र-छात्रा मन जोन ल मुख्य परीक्षा 2021 के परीक्षा म सम्मिलित होना हे। वो अपन जिला के अध्ययन केन्द्र मन ले परीक्षा आवेदन फॉर्म प्राप्त करके 5 जनवरी 2021 तक जमा कर सकत हे।
छत्तीसगढ़ राज्य ओपन स्कूल के अधिकारी मन ह बतइस कि बछर 2019-20 के मुख्य परीक्षा म अनुत्तीर्ण परीक्षार्थी अऊ आर.टी.डी के परीक्षार्थी बछर 2021 के मुख्य परीक्षा म सम्मिलित होही। ए छात्र मन बर परीक्षा आवेदन फॉर्म कार्यलयीन वेबसाइट sos.cg.nic.in/cgsos.co.in म अपलोड करे गए हे। जोन ल विद्यार्थी वेबसाइट ले डाउनलोड करके आवेदन फॉर्म भरके आवश्यक दस्तावेज मन सहित अपन अध्ययन केन्द्र मन म जमा कर सकत हे।
