बिलासपुर, 6 जुलाई 2024। राज्यपाल श्री विश्व भूषण हरिचंदन अउ मुख्यमंत्री श्री विष्णु देव साय आज पंडित सुंदरलाल शर्मा मुक्त विश्वविद्यालय के छठवां दीक्षांत समारोह म सामिल होइन। दीक्षांत समारोह म कई ठन सत्र के परीक्षा म छात्र मन ल स्नातक, स्नातकोत्तर, डिप्लोमा, पत्रोपाधि बर उपाधि अउ स्वर्ण पदक प्रदान करे गीस। ए मौका म श्री राम प्रताप सिंह अउ सुश्री सुरभा देश पांडे ल विद्या वाचस्पति के मानद उपाधि दे गीस। समारोह म कुलाधिपति कोति ले पीएचडी छात्र मन ल उपाधि प्रदान करे गीस अउ ए उपाधि के आचार अउ गौरव के रक्षा करे के संदेश देहे गीस। अतिथि मन ह उपाधि प्राप्त करईया छात्र मन ल अग्रिम भविष्य बर बधाई अउ शुभकामना दीन।
राज्यपाल श्री विष्णु भूषण हरिचंदन ह समारोह म अध्यक्षीय उद्बोधन देवत कहिन कि मोला छठवां दीक्षांत समारोह म सामिल होए म अड़बड़ खुशी होवत हे। उमन स्वर्ण पदक अउ उपाधि प्राप्त करईया पढ़ईया लईका मन अउ शोधार्थी मन ल बधाई अउ शुभकामना दीन अऊ उपाधि प्राप्त करईया शोधार्थी मन के परिवारजन के प्रशंसा करत उमन कहिन कि ऊंखर सहयोग त्याग अउ मार्गदर्शन म आप मन ये महत्वपूर्ण उपलब्धियां हासिल करे हव।
मुख्यमंत्री श्री विष्णु देव साय ह दीक्षांत समारोह ल सम्बोधित करत स्वर्ण पदक अउ उपाधि हासिल करईया पढ़ईया लईका मन ल बधाई अऊ ऊंखर उज्ज्वल भविष्य बर शुभकामना दीन। श्री साय ह कहिन, मोला प्रसन्नता हे कि हमार छत्तीसगढ़ राज्य के एकमात्र ये मुक्त विश्वविद्यालय अपन अकादमिक अऊ शैक्षणिक गतिविधि मन के संग नित नवा ऊंचाइ ल छूवत हे। दूरस्थ अंचल म बसे अइसन शिक्षार्थी मन बर जेन कोनो कारणवश उच्च शिक्षा ले वंचित रह गे हें या नौकरी पेशा वर्ग के अइसन विद्यार्थी जेन अपन भावी सपना ल साकार करना चाहत हें ऊंखर बर ये विश्वविद्यालय शिक्षा के अवसर प्रदान करे के प्रमुख केंद्र बन गए हे।
कुलपति श्री बंशगोपाल सिंह ह कहिन कि ये विश्वविद्यालय अपन उद्देश्य ल साकार करे बर सरलग उदीम करत हे। ए अवसर म बिलासपुर विधायक श्री अमर अग्रवाल, तखतपुर विधायक श्री धर्मजीत सिंह, बिल्हा विधायक श्री धरमलाल कौशिक, बेलतरा विधायक श्री सुशांत शुक्ला, कोटा विधायक श्री अटल श्रीवास्तव, मस्तुरी विधायक श्री दिलीप लहरिया, विश्वविद्यालय परिवार के सदस्य संग जिला प्रशासन के अधिकारी-कर्मचारी मौजूद रहिन।