कर्रेगुट्टालु पहाड़ी म ‘ऑपरेशन ब्लैक फॉरेस्ट’ ल सफलतापूर्वक अंजाम देवइया सीआरपीएफ, छत्तीसगढ़ पुलिस, डीआरजीऔर कोबरा के जवान मन ले करिन भेंट
कर्रेगुट्टालु पहाड़ी म चले अब तक के सबले बड़े नक्सल विरोधी अभियान ‘ऑपरेशन ब्लैक फ़ॉरेस्ट’ म वीर जवान मन ह शौर्यपूर्ण प्रदर्शन करके अभियान ल सफल बनाइन, सबो सुरक्षाबल के जवान मन ल हृदय ले बधाई
नक्सली मन के विरुद्ध अभियान के इतिहास म ‘ऑपरेशन ब्लैक फॉरेस्ट’ के समय जवान मन के शौर्य अऊ पराक्रम एक स्वर्णिम अध्याय के रूप म दर्ज होही
जब तक सबो नक्सली या तो आत्मसमर्पण नइ कर देवंय, पकड़े नइ जांय या खतम नइ हो जांय, तब तक चैन ले नइ बइठन, भारत ल नक्सलमुक्त बनाके ही रइबो
गर्मी, ऊँचाई अऊ हर कदम म IED के खतरा के बावजूद सुरक्षाबल मन ह बुलंद हौसला ले अभियान ल सफल बनाके नक्सली मन के बेस कैंप खतम करिन
रायपुर, केन्द्रीय गृह अऊ सहकारिता मंत्री श्री अमित शाह ह कर्रेगुट्टालु पहाड़ी म ‘ऑपरेशन ब्लैक फॉरेस्ट’ ल सफलतापूर्वक अंजाम देवइया सीआरपीएफ, छत्तीसगढ़ पुलिस, डीआरजी अऊ कोबरा के जवान मन ले नई दिल्ली म भेंट करिन अऊ ओ मन ल सम्मानित करिन। ए बेरा म छत्तीसगढ़ के मुख्यमंत्री श्री विष्णु देव साय अऊ उपमुख्यमंत्री श्री विजय शर्मा घलोक उपस्थित रहिन।
केन्द्रीय गृह अऊ सहकारिता मंत्री ह कर्रेगुट्टालु पहाड़ी म चले अब तक के सबसे बड़े नक्सल विरोधी अभियान ‘ऑपरेशन ब्लैक फ़ॉरेस्ट’ म वीर जवान मन कोति ले शौर्यपूर्ण प्रदर्शन करके अभियान ल सफल बनाए बर सबो सुरक्षाबल के जवान मन ल हृदय ले बधाई दीन। उमन कहिन कि नक्सली मन के विरुद्ध अभियान के इतिहास म ‘ऑपरेशन ब्लैक फॉरेस्ट’ के समय जवान मन के शौर्य अऊ पराक्रम एक स्वर्णिम अध्याय के रूप म दर्ज होही।
श्री अमित शाह ह कहिन कि मोदी सरकार तब तक चैन ले नइ बइठय जब तक सबो नक्सली या तो आत्मसमर्पण नइ कर देवंय, पकड़े नइ जांय या खतम नइ हो जांय। उमन कहिन के प्रधानमंत्री श्री नरेन्द्र मोदी जी के अगुवई म हम भारत ल नक्सलमुक्त बनाके ही रइबोन।
केन्द्रीय गृह मंत्री ह कहिन के गर्मी, ऊँचाई अऊ हर कदम म आईईडी के खतरा के बावजूद सुरक्षाबल मन ह बुलंद हौसला के संग अभियान ल सफल बनाके नक्सली मन के बेस कैंप खतम करे हें। उमन कहिन के कर्रेगुट्टालु पहाड़ी म बने नक्सली मन के मैटीरियल डंप अऊ सप्लाई चेन ल छत्तीसगढ़ पुलिस, सीआरपीएफ, डीआरजी अऊ कोबरा के जवान मन ह पराक्रम ले नष्ट कर दीन।
श्री अमित शाह ह कहिन के नक्सली मन ह देश के सबसे कम विकसित क्षेत्र मन ल बहुत नुकसान पहुँचाए हें, स्कूल अऊ अस्पताल बंद कर दीन अऊ सरकारी योजना मन ल स्थानीय मनखे मन तक नइ पहुँचे दीन। उमन कहिन के नक्सलविरोधी अभियान के सेती पशुपतिनाथ ले लेके तिरुपति तक के क्षेत्र म साढ़े 6 करोड़ मनखे मन के जीवन म नवा सूर्योदय होय हे। श्री शाह ह कहिन के नक्सलविरोधी अभियान मन म गंभीर शारीरिक क्षति उठाने वाले सुरक्षाबल मन के जीवन ल सुचारू रूप ले चलाय बर मोदी सरकार हरसंभव प्रयास करत हे। उमन कहिन कि मोदी सरकार के संकल्प हे कि हम 31 मार्च, 2026 तक देश म नक्सलवाद ल खतम कर देबो।
