रायपुर, मुख्यमंत्री श्री विष्णु देव साय ह “ऑपरेशन महादेव” के तहत सुरक्षाबल कोति ले करे गए सफल कार्रवाई ल आतंक के विरुद्ध भारत के अडिग नीति के चिनहारी बताए हें। उमन कहिन के भारतीय सेना, सीआरपीएफ अऊ जम्मू-कश्मीर पुलिस ह पहलगाम आतंकी हमला म सामिल तीन आतंकवादी मन ल मार गिराके आतंक के विरुद्ध निर्णायक कार्यवाही करे हें। उमन सुरक्षाबल के साहस ल नमन करत कहिन के सुरक्षा बल मन के पराक्रम ले पहलगाम आतंकी हमला के तीनों गुनहगार सज़ा पा गे हे।
मुख्यमंत्री श्री साय ह कहिन के ऑपरेशन महादेव, यशस्वी प्रधानमंत्री श्री नरेंद्र मोदी जी अऊ केंद्रीय गृहमंत्री श्री अमित शाह जी के संकल्प के सशक्त परिणाम हे। भारतीय सेना के जवान मन के पराक्रम हर देशवासी के हृदय म विश्वास अऊ गरब के भावना भर देहे हे। सेना के ये ऑपरेशन मात्र एक कार्रवाई नइ हे ये संदेश हे वो सबो दुश्मन मन बर, जेन भारत के जमीन म आतंकी मंसूबा लेके आथें।
