बेमेतरा जिला के प्राथमिक/माध्यमिक शिक्षक मन करत हें मुहल्ला कक्षा के संचालन

बेमेतरा, 17 अगस्त 2020। बेमेतरा जिला के चारो विकासखंड म विकासखंड बेमेतरा के संकुल केंद्र जेवरा के ग्राम पथर्रा, विकासखंड बेरला के ग्राम मनियारी, विकासखंड नवागढ़ के संकुल केंद्र कूंरा अऊ विकासखंड साजा के संकुल केंद्र बीजा के अंतर्गत संचालित प्राथमिक/माध्यमिक शाला मन के शिक्षक मन जिला मिशन समन्वयक अऊ विकासखंड शिक्षा अधिकारी के मार्गदर्शन म अऊ संकुल समन्वयक मन के प्रयास ले ग्राम स्तर म मुहल्ला कक्षा अऊ लाऊडस्पीकर कक्षा के संचालन करत हें। प्राथमिक/माध्यमिक शाला मन के शिक्षक मन ग्राम के पढ़े लिखे युवक/युवती मन ल घलोक प्रेरित करत हें। संबंधित संस्था/ग्राम के प्रधानपाठक मन ग्राम स्तर म बेहतर कक्षा संचालन बर पढ़ाने वाला मन ल लपेटन, श्यामपट, चॉक, डस्टर, सिनेटाइजर, मास्क बांटे हें, जेखर से कक्षा के संचालन सोशल डिस्टेंस ल ध्यान म रखके करे जात हे। कक्षा के संचालन ग्राम के सरपंच, शाला प्रबंधन समिति के अध्यक्ष अऊ सदस्य मन के सहयोग ले करे जात हे। अभी हाल के स्थिति ल ध्यान म रखके उहां के शिक्षक मन खुद कक्षा म जाके लइका मन ल पढ़इ के काम करे जात हे अऊ पढ़ाने वाला मन ल पढ़ई के काम बर जरूरी सहयोग देहे जात हे।