सूरजपुर, 30 मई 2020। लम्बा समय तक लॉकडाउन के मार झेलत छोटे-छोटे ठेला अऊ गुमटी मन म सामान अउ खाए के चीज बेचइया मन के जिन्दगी देर सवेर अब पटरी म आ गए हे, जेखर से ऊंखर चेहरा मन म राहत के भाव दिखाई परत हे।
जानबा हे के मार्च महिना ले ही कोरोना वायरस ल लेके संपूर्ण लॉकडाउन के संगेच सबो प्रतिष्ठान मन ल बंद रखे के निर्देश देहे गए रहिस, जेमां समय-समय म जरूरी सेवा मन के व्यापार करइया दुकान मन ल अनुमति प्रदान करे गीस अउ आन प्रतिष्ठान मन ल घलोक खुले अनुमति मिल गीस, फेर रोजाना ठेला अऊ गुमटी के माध्यम ले व्यापार करइया छोट-छोट व्यापारी मन लम्बा समय ले लॉकडाउन के मार झेलत रहिन, जिमन ल राहत देवत राज्य शासन के निर्देश म जिला म कलेक्टर कोति ले 25 मई 2020 के आदेश जारी करे गीस तेकर मुताबिक सुरक्षा मानक के शर्त के आधार म चौपाटी, ठेला, चाट-पकौड़ी के दुकान मन ल खुले अनुमति दे देहे गीस।
अइसनहे सूरजपुर चौपाटी म चाट के ठेला चलइया श्री गोविन्द ले बात करे म वो ह बताइस के लॉकडाउन के समय शासन कोति ले राशनकार्ड म मिलत राशन के सहारे जिन्दगी कटत रहिस, फेर ठेला खुल जाय ले अब काफी राहत हो गए हे। एखर बर वो ह राज्य शासन के धन्यवाद करिस। जानबा हे के गोविन्द सबो सुरक्षा मानक के पालन करत ठेला संचालन करत हे, ओ ह मन मुंह ल मास्क ले ढांक के रखथे। ग्राहक मन ल सबले पहिली सेनिटाईजर ले हाथ धोवाथे अऊ एक समय म दू ले जादा ग्राहक मन के भीड़ ठेला म नइ होए देवय।