अम्बिकापुर, जिला के किसान मन के रुझान जैविक खेती कोति बढ़े हे अऊ खेती बर वर्मी खाद के उपयोग ल उमन प्राथमिकता देवत हें। गोठान मन म उत्तम गुणवत्ता के वर्मी खाद के निर्माण होवत हे जेन ल किसान सहकारी समिति मन ले जरूरत के मुताबिक खरीदत हें। एखर संगेच जिला म रासायनिक खाद के घलोक भरपूर मात्रा म उपलब्ध हे।
उप संचालक कृषि श्री एम.आर. भगत ह बताइस कि अभी हाल म सहकारिता अऊ निजी खाद व्यवसासी मन तीर भरपूर मात्रा म रासायनिक खाद हवय। जिला म 39 सहकारी सेवा समिति अऊ 268 निजी खाद व्यापारी मन के माध्यम ले किसान मन ल ऊंखर मांग के मुताबिक खाद उपलब्ध कराए जात हे। एखर संग माटी के उपजाऊ क्षमता बढ़ाए अऊ जैविक खाद के उपयोग करके रासायनिक उर्वरक उपर निर्भरता कम करे खातिर वर्मी खाद के उपयोग बर प्रोत्साहित करे जात हे। वर्मी खाद के गुणवत्ता परीक्षण के बाद सहकारी समिति मन के माध्यम ले निरधारित दर म किसान क्रेडिट कार्ड के माध्यम ले ब्याज मुक्त करजा उपलब्ध कराए जात हे।
अभी हाल म जिला म कुल 7763 मीट्रिक टन रासायनिक उर्वरक भंडारित हे जेमां सहकारिता के 4987 मीट्रिक टन अऊ निजी विक्रेता मन के 2776 मीट्रिक टन सामिल हे।
जैविक खेती म किसान मन के प्राथमिकता बनिस वर्मी खाद
