आवारा गौवंश के सहारा बनिन किसान रमनलाल साहू
धमतरी, 22 सितमबर 2024। जैविक खेती ल बढ़ावा देवइया धमतरी जिला के ग्राम गाड़ाडीह के किसान श्री रमन लाल साहू के सम्मान मुख्यमंत्री श्री विष्णु देव साय ह पाछू दिनन म करे रहिन। श्री साहू जैविक खेती करके मिट्टी के उर्वरकता बढ़ाए म महती भूमिका निभावत हें, उहें फसल चक्रण करके जल संरक्षण के काम घलोक करत हें।
आज के आधुनिक दौर में खेती किसानी के काम ल वातका महत्व नइ देहे जात हे, जतका के सरकारी या कोनो आन नौकरी ल देहे जात हे। छत्तीसगढ़ सरकार ह किसान मन बर चलाए जात कई ठन योजना मन के संगे-संग समर्थन मूल्य म धान खरीदी ह मनखे मन ल खेती किसानी कोति मुड़े बर प्रोत्साहित करे हे। प्रगतिशील किसान श्री रमनलाल साहू ह परम्परागत खेती ल पीछू छोड़ के आधुनिक खेती ल अपनाए हे। जैविक खेती ल बढ़ावा देवत मृदा, जल अउ पर्यवरण संरक्षण के दिशा म घलोक उमन सराहनीय काम करे हे। श्री साहू बताथे के पाछू 8 बछर ले वो 3 एकड़ ले जादा जमीन म धान के जैविक खेती करत हे। जल संरक्षण के दिशा म रबी फसल म दलहन-तिलहन की खेती करत हे। एखर से जमीन के उर्वरकता बाढ़े के संग फसल के उत्पादन घलोक बाढ़े हे।
