छत्तीसगढ़ के बस्तर ल ‘बेस्ट ऑफ बीट डेस्टिनेशन’ के रूप के चुने गीस
पर्यटन अऊ संस्कृति विभाग के सचिव श्री. अन्बलगन पी. ह झोंकिस इनाम
रायपुर, आउटलुक ग्रुप कोति ले देहे जात पुरस्कार के कड़ी म ये पईत आउटलुक ट्रैवलर्स अवार्ड-2022 श्रेणी म छत्तीसगढ़ के बस्तर ल एक विशेष जूरी पुरस्कार के संग ‘बेस्ट ऑफ बीट डेस्टिनेशन’ के रूप म सम्मानित करे गीस। ये पुरस्कार समारोह बीते 24 अगस्त के नई दिल्ली म आयोजित करे गए रहिस। केंद्रीय पर्यटन अउ संस्कृति मंत्री श्री किशन रेड्डी के मुख्य आतिथ्य म संपन्न समारोह म छत्तीसगढ़ कोति ले ये अवॉर्ड पर्यटन अऊ संस्कृति विभाग के सचिव श्री. अन्बलगन पी. ह झोकिंन।
जानबा हे कि ये साल पुरस्कार मन के 19वां साल ये। उहें ये साल आउटलुक ग्रुप के शिखर सम्मेलन के विसय “यात्रा के तीसरा युग” निरधारित हे। ए पुरस्कार मन के निर्णय एक शोध एजेंसी कोति ले करे जात यात्रा सर्वेक्षण के आधार म करे गए रहिस अऊ फेर जूरी सदस्य मन कोति ले फीडबैक के जांच करे गए रहिस।
