दुर्ग 23.04.2024 मंगलवार। सोषल मीडिया म छत्तीसगढ़ के एक झिन विधायक के वीडियो बनेच बगरत हावय। वो विधायक के नाम हावय रिकेष सेन। ये वीडियो म विधायक अपन कार ले उतरके एक ठिन पार्क म छापा मारथे, त उहाँ कतकोन झिन जोड़ी दिखथे। वोह उन्कर तीरन जाके उन्कर संग गोठियाए लगथे। ये बेरा म जोड़ीमन विधायक के आगू म अइसन मांग रख दिन कि तीर तखार म खड़े जम्मो लोगन के होष उड़ागे।
बता देवन कि दुर्ग जिला के वैषालीनगर विधानसभा ले रिकेष सेन भाजपा के विधायक हावयं। उन ल हाले म नेहरू बगीचा के तीर तखार के रहवइयामन ले सरलग षिकायत मिलत रिहिसे कि बगीचा म जोड़ी मन के जमावड़ा लगे रहिथे। षिकायत के संज्ञान लेवत एक दिन विधायक जी बगीचा म छापा मारे बर पहुच गै। ओतके बेरा विधायक ह एक झिन जोड़ी ल पूछ परिस कि वोमन ये बगीचा म काबर आए हावयं। जवाब देवत मयारू जोड़ी ह कहिन कि आप तो OYO ल तको बंद करवा दिए हावव त हमन कहाँ जावन।
मयारू जोड़ा के ये गोठ सुनके विधायक गुसियागे अउ कहिस कि OYO ल बंद करवा दे हावन त इहां चले आहू। फोकटइहा बेरा ल ककरो घर के आगू म नइ पहाए जाय। वोतके बेरा दूसर जोड़ी ह कहिन कि आपके नाम ले लोगन डेराथे। लोगन दारू पीए बर तको डेराथे। संग म घूमे बर तको नइ भावयं। हमन अपन मयारू ल लेके कहाँ जावन, कोनो निजी जगा नइ बाचे हावय।
ओतके म एक झिन नोनी ह कहिस कि हमर मन के मिलब म तुंहला का दिक्कत हावय। विधायक के ये पूछे म कि ये प्यार मोहब्बत का होथे, त एकर जुवाब म वो नोनी कहिस कि प्यार मोहब्बत तो बरसो बरस ले चलत आवत हावय।
हालेके विधायक सेन ह वो टुरी-टुरामन ल समझाके घर लहुटा दिस।
