अम्बिकापुर, सरगुजा जिला के गोठान मन म अब स्वादिष्ट आयस्टर मशरूम के उत्पादन शुरू हो गए हे। समूह के महिला मन ह स्थानीय संसाधन मन के बल म गोठान मन म आयस्टर मशरूम के खेती बर जरूरी तैयारी करे हें। अम्बिकापुर जनपद के आदर्श गोठान सोहगा म अनिता महिला स्व सहायता समूह के महिला मन पहिलीच दिन साढ़े चार किलो आयस्टर मशरूम के उत्पादन करिन जेन ल 200 रूपिया प्रति किलो के दर ले 900 रूपिया म बेचिन।
उहां के कलेक्टर संजीव कुमार झा के मार्गदर्शन म जिला के गोठान मन ल आजीविका संसाधन केंद्र के रूप म विकसित करे खातिर नवा नवाचार मन के पहल करे जात हे ताकि महिला मन ल आजीविका के साधन उपलब्ध होवय अऊ उंखर आर्थिक स्थिति मजबूत हो सकय। इही कड़ी म गोठान मन म आयस्टर मशरुम उत्पादन के पहल शुरू करे गए हे। महिला मन ल मशरूम उत्पादन के प्रशिक्षण एनआरएलएम अउ कृषि विज्ञान केंद्र के वैज्ञनिक मन देहे हें। गोठान मन म मशरूम हट तको बनाये गए हे। ये हट म मशरूम उत्पादन बर बड़का साइज के पॉलिथीन बैग म स्पान डालके लटकाए गए हे। करीब 25 ले 30 दिन म एमा मशरूम उत्पादन शुरू हो जाथे।
वैज्ञानिक मन ह बताइन हे के आयस्टर मशरूम ल ढिंगरी के नाम ले घलोक जाने जाथे। ये मशरूम के खेती करीबन साल भर करे जा सकथे। एखर बर अनुकूल तापक्रम 20-30 डिग्री सेन्टीग्रेट अऊ आपेक्षित आर्द्रता 70-90 प्रतिशत होथे। उपचारित भूसा अउ पैरा कुट्टी जब भींजके 40 किलो वजन कम हो जाथे वोमें 3 प्रतिशत् के दर ले मशरूम स्पॉन (बीज) ल मिलाथें।
मशरूम के उत्पादन एक अच्छा बिजनेस आइडिया ये। ये मां लागत बहुत कम लगथे। उत्पादन कक्ष घलोक कच्चा अऊ कम लागत म बनाए जा सकत हे। एक किला ढींगरी मशरूम म 10-15 रुपिया के लागत आथे अऊ बाजार म मांग के मुताबिक 200 ले 250 रूपिया प्रति किलो ढींगरी मशरूम बेचे जा सकत हे।
Oyster mushroom production started in Gothans
Women prepared from local resources – Scientists have told that oyster mushroom is also known as Dhingri. This mushroom can be cultivated almost throughout the year. The optimum temperature for this is 20-30 degree centigrade and the relative humidity is 70-90 percent. Mushroom spawn (seeds) are mixed at the rate of 3% in treated straw and para kutti when the weight is reduced by 40 kg. Mushroom production is a good business idea. It costs very little. Production rooms can also be built raw and at a lower cost. A kilo of Dhingri mushroom costs Rs 10-15 and according to the demand in the market, Rs 200-250 per kg of Dhingri mushroom can be sold.
