‘पढ़ई तुंहर दुआर’ पोर्टल के हमर नायक कॉलम के बछर भर के सफरनामा

महासमुंद 27 मई 2021 बिरस्पत। पढ़ई तुहंर दुआर पोर्टल के हमारे नायक कॉलम के एक बछर पूरेे के उपलक्ष्य म 25 मई केे छत्तीसगढ़ समग्र शिक्षा डाहर ले राज्य स्तरीय वेबीनार -सफरनामा (शानदार एक साल) का आयोजन करे गे हे । वेबीनार के सीधा प्रसारण यू-ट्यूब के माध्यम ले करे गइस, जेकर सोझे लाभ राज्य के शिक्षक मन ल मिलिस। पीछू एक बछर ले हमारे नायक ह अलग-अलग उद्देष्य म सहींच म नायक के रूप म जमीनी स्तर पर चुपे-चाप बिगर कोनो तामझाम के बूता करत शिक्षिक मन के चयन करे जावत हे । पीछू एक बछर म हमारे नायक ह अलग-अलग थीम म चयनित कुछ चुनिंदा शिक्षक अउ अधिकारी मन ल अपन अब तक के सफल, अनुभव अउ आगामी शिक्षा सत्र म बच्चा मन ल पढ़ई ले जोड़े रखे केे रणनीति ल साझा करे के अवसर प्रदान करे गइस। वेबिनार म रायपुर म स्कूल शिक्षा विभाग के प्रमुख सचिव डॉ. आलोक शुक्ला, प्रबंध संचालक समग्र शिक्षा श्री जितेन्द्र शुक्ला विशेष रूप ले संघरीन।
महासमुंद जिला के मा. स. गो.शासकीय उच्च प्राथमिक शाला सरायपाली ( अंग्रेजी माध्यम) केे शिक्षिका श्रीमती संगीता पंडा ह बताइन कि पढ़ई तुंहर दुआर के cgschool.in पोर्टल म हमारे नायक के रूप म उन्कर चयन TLM निर्माण अउ उपयोग के थीम म
होइस हे। एकर छोड़ वोमन पढ़ई तुहर दुआर के अंतर्गत संकुल एडमिन कक्षा 8 वीं के विज्ञान विषय लेे संबंधित शंका समाधान अउ असाइनमेंट जांचे के बूता तको करे हे। संगे——संग एक ठो नवाचारी योजना हर घर प्रयोगशाला के प्रारंभ करिस जेेला मुख्य सचिव शिक्षा विभाग डॉ आलोक शुक्ला डाहर ले लिखेे पुस्तक महामारी लेकिन पढ़ना लिखना जारी म तको जगा मिले हे। शिक्षिका के मानना हवय कि एक शिक्षक बर वास्तविक सम्मान कोनो अवार्ड नइ होेवय भलकुन, बच्चा मन के सफलता अउ उन्कर लेे मिलइया मया अउ सम्मान, पालक मन के शिक्षक के प्रति विश्वासे ह एक शिक्षक बर असली सम्मान हरे। उम्मीद हे कि येहू बछर शिक्षक ऑनलाईन माध्यम लेे बच्चा मन ले जुड़े रहिंही।