कवर्धा, 1 दिसंबर 2020। उत्तरप्रदेश ले छत्तीसगढ़ आवत अवैध धान ले भरे एक ट्रक ल पुलिस ह जब्त करिस हे। बतादन कि थाना चिल्पी ह राज्य सरकार के आदेशानुसार अवैध धान परिवहन ऊपर सतत निगाह रखे जावत हे। इही तारम्य म थाना चिल्पी अऊ खाद्य विभाग ह सोमवार के अवैध धान परिवहन के रोकथाम बर थाना के आगु नाकाबंदी लगाके चेकिंग करे जावत रहिस। चेकिंग के दौरान एक ट्रक उत्तरप्रदेश ले रायपुर डाहर जावत रहिस, जेन ल रोक के चेक करे म ट्रक म धान भरे होना पाए गिस। धान परिवहन के संबंध म चालक के पास छत्तीसगढ़ शासन के तरफ ले कोनो भी वैध दस्तावेज अथवा अनुमति नई होना पाए गिस। चालक ले पूछताछ करे म बतइस कि ट्रक म 626 बोरी म 256 क्विटंल धान लोड हे। एखर सूचना जिला खाद्य विभाग ल देहे गिस। जिला खाद्य विभाग टीम ह कार्रवाई करके धान अऊ ट्रक ल जब्त कर लेहे हे।
उत्तरप्रदेश ले छत्तीसगढ़ आवत 256 क्विटंल धान जब्त, खाद्य विभाग ह करिस कार्रवाई
