खाद्य सचिव ह कलेक्टर मन ल जारी करिन हुकुम
रायपुर, 7 मार्च 2020। मुख्यमंत्री श्री भूपेश बघेल कोति ले छत्तीसगढ़ विधानसभा म 27 फरवरी के दिन चर्चा के समय किसान मन के लंबित टोकन के परीक्षण सचिव स्तर के अधिकारी के निगरानी म करवा के धान खरीदी करे के घोषणा करे गए हे। खरीफ विपणन साल 2019-20 म धान खरीदी के आखरी तारीक 20 फरवरी 2020 निरधारित करे गए रहिस। मुख्यमंत्री श्री बघेल के घोषणा के मुताबिक खाद्य विभाग के सचिव डॉ. कमलप्रीत सिंह ह प्रदेश के सबो जिला कलेक्टर मन ल जिला प्रभारी सचिव अउ प्रबंध संचालक छत्तीसगढ़ राज्य सहकारी विपणन संघ नवा रायपुर ले समन्वय करके मुख्यमंत्री के घोषणा के मुताबिक धान खरीदी बर जरूरी कार्यवाही करे के हुकुम देहे हें।
